Зөвхөн Хятадын дотоодод гэхэд Засгийн газрын байгууллагууд, аж ахуйн нэгж, нийгмийн байгууллагуудын оролцоо маш өргөн хүрээнд тэлж, “Нэг бүс-Нэг зам”-ын олон төслүүд нь маш их цаг хугацааг зарцуулах учир бүтэц удирдлагыг улам нэгтгэн чанаржуулж бүх талын бэлтгэл ажлыг сайжруулах шаардлагатай. Иймд Хятадын Засгийн газар тусгайлан “Нэг бүс-Нэг зам”ын бүтээн байгуулалтыг дэмжих удирдлагын ажлын хэсгийг байгуулж, “Нэг бүс-Нэг зам”-ын бүтээн байгуулалтын ажлын томоохон төлөвлөгөө, бодлого төлөвлөлт, төслийг хянан баталгаажуулж, төслийн холбогдох бүхий л асуудлыг шийдвэрлэх, удирдлагаар хангах, зохицуулалтыг хэрэгжүүлэх ажлыг хариуцсанаар “Нэг бүс-Нэг зам” санаачилгын хамтын ажиллагааг хэрэгжүүлэх зорилготой. Тус удирдлагын ажлын хэсгийн даргаар ХКН-ын Улс Төрийн Товчооны байнгын гишүүн, Төрийн зөвлөлийн Ерөнхий сайдын орлогч Хань Жэн ажилладаг. Гадаад явдлын яам, Худалдааны яам зэрэг нь уг ажлын хэсгийн гишүүн байгууллага байдаг. Тус удирдлагын ажлын хэсгийн ажлын алба нь БНХАУ-ын Хөгжил шинэтгэлийн хороонд байрладаг ба өдөр тутмын ажлыг нь хариуцдаг. Үүнээс гадна, Хятадын холбогдох яамд, улсын хороод болон муж ∕Өөртөө засах орон, шууд харьяат хот∕-ийн Засгийн газрын түвшинд “Нэг бүс-Нэг зам”-ын бүтээн байгуулалтыг дэмжих ажлын хэсгийг байгуулж, холбогдох яам, улсын хороод болон муж ∕Өөртөө засах орон, шууд харьяат хот∕-ын голлох удирдлага хариуцан ажилладаг.