“Нэг бүс-Нэг зам”-ын дагуух улс орнуудын нийт хүн ам нь 4.4 тэрбум, эдийн засгийн нийт хэмжээ нь 21 их наяд ам.доллар, дэлхийн хүн амын 63 хувь, эдийн засгийн 29 хувийг тус тус эзэлж байна. Нөөц баялгийн хэмжээ, үйлдвэрлэлийн дэд бүтэц нь түүхийн зарим нөхцөл зэрэг байдлаас шалтгаалж улс орон болгоны хөгжлийн үндсэн суурь харилцан адилгүй, ихэнх нь хөгжиж буй улс орнууд юм. “Нэг бүс-Нэг зам” санаачилга нь Европ, Ази, Африкийн эх газруудыг хамран зүүн талдаа хөгжлийн хүчирхэг тэргүүлэх Зүүн Азийн эдийн засгийн тойрог, баруун тийш хөгжингүй Европ, Хойд Америкийн эдийн засгийн тойрогтой холбогдож мөн цаашид дэлхийн хил дамнасан хамгийн том, хамгийн эрч хүчтэй, хөгжлийн ирээдүйг харсан эдийн засгийн коридорыг байгуулахыг хүсэж, замын дагуух улс орнуудын эдийн засгийн үр ашгаа нэгтгэн уялдуулах байдлыг буй болгож, “Нэг бүс-Нэг зам” санаачилгын бүтээн байгуулалт нь замын дагуух бүх улс орнууд идэвхтэйгээр өөрийн оролцоог гаргаж, эдийн засгийн харилцан нөхөх байдлаас хөгжлийн хөдөлгөгч хүч болгоход зорьж байна. Замын дагуух улс орнуудын харилцан уялдаатай хамтран ажиллан худалдаа, хөрөнгө оруулалтыг хөнгөрүүлэх нь олон улсын эдийн засгийн харилцааг гүнзгийрүүлж, дэлхийн эдийн засагт шинэ өсөлтийг буй болгож, эцсийн зорилго нь харилцан ашигтай, хамтын үр ашгийг хүртэхэд чиглэж байна.