XIII сонгуулийн БХАТИХ-ын III чуулган 05-р сарын 22-нд Ардын Их хурлын ордонд нээгдлээ. Чуулганаас өмнө "Төлөөлөгчийн суваг"-ийг анх ажиллуулж, холбогдох төлөөлөгчид ярилцлага өгсөн байна.

    БХАТИХ-ын төлөөлөгч, Хятадын эмэгтэй волейболын багийн ахлагч Жү Тин эмэгтэй волейболчдын үзэл баримтлалын тухайд:

- Волейболын эмэгтэйчүүдийн үзэл баримтлал зөвхөн ялалтад байдаггүй, байнгынх юм. Заримдаа бид аварга болж чадахгүй гэдгээ мэддэг хэдий ч чадахын хэрээр зүтгэдэг. Үр дүнгийн талаар санаа зовдоггүй. Энэ итгэл үнэмшил маань хэзээ ч өөрчлөгдөхгүй. Эв нэгдэл, тууштай тэмцэл, хэзээ ч цөхрөхгүй байдал бол манай эмэгтэйчүүдийн волейболын баг, мөн үндэстний үзэл баримтлал юм. Спортын талбайд төдийгүй олон салбарын ажилтнууд өөр өөрийн ажлын байрандаа энэ итгэл үнэмшлийг харуулж байгаа юм.

   Токиогийн олимпийг нэг жилээс дээш хугацаагаар хойшлуулсан нь Хятадын эмэгтэй волейболын багийн хувьд олон бэрхшээл, сорилтыг дагуулсан. Өнгөрсөн туршлагаас харахад хамгийн хүнд хэцүү цаг үед бид хамгийн эв нэгдэлтэй, хамгийн тэсвэртэй, амин хувиа хичээлгүй хичээнгүйлэн ажиллах ёстой. Дараагийн замд олон бэрхшээл тулгарах нь зайлшгүй боловч эв нэгдэн, хамтдаа хөгжиж, хамтдаа зүтгэхийг хүсэж байна гэж хэллээ.