Бээжингийн их сургуулийн 3-р эмнэлгийн эмч нар  06-р сарын 09-ний орой  Бразилийн мэргэжилнэгтнүүдтэй ХТРТ-ын CGTN-ий "Дэлхийн коронависурийн халдварт тахлын тухай оношилгооны тасалгаа"-ны сайтын шууд нэвтрүүлэгт оролцож, цахим хэлбэрээр "COVID-19"-ийн халдвар авсан өвчтөнүүдийг авран эмчлэх туршлагаасаа хуваалцсан байна.

    Бээжингийн их сургуулийн 3-р эмнэлгийн захирал, Бээжингийн их сургуулийн Хүбэйд туслалцаа үзүүлэх, Халдварт өвчний эсрэг үндэсний эмчилгээний багийн ахлагч, академич Чяо Же:

- Бээжингийн их сургуулийн 3-р эмнэлэг Үхань хотод халдварт өвчний эсрэг тэмцэхэд 400 гаруй эмч сувилагч илгээж, 70 гаруй хоногийн турш тэмцэж, халдварт өвчнийг хяналтдаа авах, оношлох, өвчтөнд үзлэг хийх, авран эмчлэх талаар их туршлага хуримтлуулсан. Эдгээр туршлагыг дэлхийн улс орнуудын хамтран зүтгэгчидтэй хуваалцах нь зүй ёсны үүрэг хариуцлага юм гэж хэллээ.

    Одоогийн байдлаар Бразилд коронавирусын халдварын тархалт улам хүндэрч байна. Бразилийн Эрүүл мэндийн яамны мэдээлсэн тоо баримтаас харахад тухайн орон нутгийн цагаар 10-ны өдрийн 18:00 цагийн байдлаар тус улсад нийт халдвар авсан 772416 тохиолдол бүртгэгдэж, 39680 хүн нас барсан байна.

    Бразил дахь Америк тивийн анагаах ухааны корпорацийн ICU анагаах ухааны менежментийн хэлтсийн захирал Виктор Клаво:

- Халдварт өвчний эсрэг арга хэмжээ авах явцдаа Бразилийн улсын эмнэлгийн хүнд өвчтөнүүдийн нас баралт 70 хувиас давж, хувийн эмнэлгүүдийн нас баралт ч 56 хувьтай байгааг олж харсан. Иймээс Хятадын талын менежментийн туршлагаас суралцаж, нас баралтын түвшинг бууруулахад туслахыг хүсэж байна гэж хэлсэн байна.

    Нэг цагийн шууд нэвтрүүлэгт хоёр талын эмч нар амьсгалын аппаратыг салгах стандарт, үйл ажиллагаанд анхаарах шаардлагатай асуудлууд, мөн вирусын эсрэг эм хэрэглэх, "хиймэл уушги" ашиглах стандарт, туршлага зэрэг сэдвийн хүрээнд судлан хэлэлцэж туршингаасаа хуваалцлаа.