Дэд бүтцийн бүтээн байгуулалтаараа харилцан холбогдох нь “Нэг бүс-Нэг зам” санаачилгын бүтээн байгуулалтын үндсэн давуу тал болно. Улс орны бүрэн эрх, аюулгүй байдлын зарчим суурийг хүндэтгэн үзэх үндсэн дээр замын дагуух улс орнууд дэд бүтцийн бүтээн байгуулалтын төлөвлөгөө, технологийн стандартыг харилцан уялдуулах ажлыг эрчимжүүлж, хамтаар олон улсын үндсэн тээврийн бүтээн байгуулалтыг урагшлуулж, Азийн бүс нутгууд болон Ази, Европ, Африкийн хооронд дэд бүтцийн сүлжээг цаашид бий болгоно. Дэд бүтцийн бүтээн байгуулалт явагдах явцад онцгойлон дэд бүтцийн бүтээн байгуулалтын ногоон байдал, хүлэмжийн хийг бууруулсан бүтээн байгуулалт болон байгаль орчинд ээлтэй үйл ажиллагааны менежментийг чухалчилна. Мөн цаг уурын өөрчлөлтийн нөлөөллийг анхааран үзнэ. Уламжлалт авто зам, төмөр зам, агаарын тээвэр, далайн тээвэр, тээврийн хоолой зэрэг харилцан холбогдсон мөн эрчим хүч, цахилгаан холбоо, шуудан харилцаа, хил хамгаалал, гааль, мэргэжлийн хяналт, төлөвлөгөө зэрэг шинэ хүрээний харилцан холбогдох байдал нь зүүн Азийн эдийн засгийн тойрогтой уялдаж, хөгжингүй Европын эдийн засгийн тойрогт хүрч, эдийн засгийн хөгжлийн асар их ирээдүй бүхий өргөн уудам бүс нутгийг хамарсан “Хамтын эрх ашгийн нэгдэл” бүхий хөгжлийг бий болгоно.