Гадаад худалдааг хялбар болгох нь “Нэг бүс-Нэг зам” санаачилгын бүтээн байгуулалтын гол агуулга, зам дагуух улс орнуудын хүсэл сонирхлыг ихээр татаж хамтын ажиллагааны асар ирээдүйтэйг харуулж, хамтын ажиллагааны “бялуугаа” илүү томоор сайнаар хийхийг эрмэлзэж байна. Хэрэгжүүлэх гол арга хэмжээнүүд нь зам дагуух улс орнууд хамтдаа чөлөөт худалдааны сүлжээний бүтцийг бий болгож, хөрөнгө оруулалт болон худалдаанд тулгарч буй бэрхшээлийг арилгаснаар худалдааг дэмжиж, хөрөнгө оруулалтын таатай орчныг бий болгоно. Улс орнууд хамтдаа чөлөөт худалдааны бүсийг байгуулснаар бүс нутгийн хүрээнд болон улс орнууд тухайн бүсэд үйл ажиллагаа явуулах таатай орчин нөхцөл бүрдүүлж, хамтын ажиллагааны ирээдүй бүхий бизнесийн сонирхлыг буй болгоно.

Улс орнууд хамтдаа өндөр технологи шингэсэн худалдааны хэрэгслийг ил тод болгож, гаалийн татварын бус дарамт шахалтыг багасгаж, худалдааны чөлөөтэй байдал, хялбаршуулсан түвшнийг нэмэгдүүлнэ. Улс орнууд хамтдаа худалдааны хүрээг өргөтгөж, оролцоог хялбаршуулснаар худалдааны шинэ өсөлтийг бий болгон, тэнцвэртэй байдлыг дэмжинэ.

Хөрөнгө оруулалт болон худалдааны боломжийг нэгтгэснээр хөрөнгө оруулалтыг дагалдан үүсэх худалдааны хөгжлийг бий болгоно. Хөрөнгө оруулалт, худалдааны явцад хүрээлэн буй орчин, соёлч боловсон хэрэглээг анхаарах, хүрээлэн буй орчин, биологийн төрөл зүйлийн болон уур амьсгалын өөрчлөлтийн чиглэлийн хамтын ажиллагааг сайжруулж хамтдаа Ногоон-торгоны замыг бүтээн босгоно.

Улс орнууд хамтдаа өндөр чанар бүхий үйлдвэрлэлийн сүлжээ, нэмүү өртгийн сүлжээ, ханган нийлүүлэлтийн сүлжээ, үйлчилгээний сүлжээг буй болгож замын дагуух улс орнуудын үйлдвэрлэлийн салбарын харилцан нөхөх, харилцан туслалцах байдлыг дэмжинэ.

Улс орнууд хамтдаа шинээр нээн хөгжүүлэх хөгжлийн замыг эрэлхийлж харилцан ашигтай, хамтын хожилтой, олон талт, эрх тэгш, аюулгүй, өндөр үр ашиг бүхий эдийн засгийг хөгжүүлнэ.