Хятад-Төв, Ази-Баруун Азийн эдийн засгийн коридор нь зүүн зүгт Хятадаас эхэлж, баруун талдаа Арабын буланд хүрч Хятад болон Төв Ази, Баруун Азийн улс орнуудын дунд эдийн засгийн хамтын ажиллагааны хүрээг буй болгож, эртний Торгоны замын замналын дагуу төлөвлөгдсөн байна. Эдийн засгийн коридор нь Шиньжянгаас эхлэн Төв Азийн бүс нутгийг дайран Персийн буланд хүрч, Газар дундын тэнгисийн дагуух Арабын хойгт нэвтрэх замдаа Төв Азийн таван орон /Казакстан, Киргизстан, Узбекистан, Тажикстан, Туркменстан/ болон Баруун Азийн Иран, Саудын Араб, Турк зэрэг 17 улс орон, бүс нутгийг хамарч Торгоны замын эдийн засгийн бүсийн гол хэсгийг бүрдүүлж байна. Төв Ази, Баруун Азийн бүс нутаг нь эрдэс баялгийн нөөцөөр баялаг ч эдийн засаг, нийгмийн хөгжлийг хязгаарлаж буй шалтгаанууд олон. Ялангуяа дэд бүтцийн бүтээн байгуулалт хоцрогдмол, хөрөнгө оруулалт технологийн дутагдалтай байдалд байна. Хятад-Төв Ази-Баруун Азийн эдийн засгийн коридорын бүтээн байгуулалтын үр дүнд уг бүс нутгаас гадаад худалдааны хамтын ажиллагаа болон санхүүгийн урсгалын гарцыг бий болгож, тухайн бүс нутгийн улс орнуудын эдийн засаг, нийгмийн хөгжлийг түргэтгэх болно.