Азийн хамтын ажиллагааны яриа хэлэлцээр∕ACD∕ одоогоор цорын ганц бүх Азийн түвшний албан ёсны яриа хэлэлцээр ба хамтын ажиллагааны механизм юм. 2002 онд байгуулагдсанаас хойш гишүүдийн дунд хөдөө аж ахуй, эрдэс баялаг, ядууралтай тэмцэх зэрэг хүрээний харилцаа хамтын ажиллагааг эрчимжүүлж, Азийн яриа хэлэлцээрээр дамжин Азийн хамтын ажиллагааг урагшлуулж, Ази тивийн хөгжлийг дэмжин ажиллаж байна. Азийн хамтын ажиллагааны яриа хэлэлцээний механизм нь Төр засгийн тэргүүнүүдийн уулзалт, гадаад харилцааны сайд нарын уулзалт, тэргүүлэх хүрээний улс орнууд, өндөр түвшний судалгааны ажлын хэсэг зэрэг арга хэмжээнүүдийг зохион байгуулж, одоогоор бүх гишүүн орнууд тус бүр хоёр удаа төр засгийн тэргүүн нарын уулзалтыг, 14 удаа гадаад харилцааны сайд нарын уулзалтыг тус тус зохион байгуулжээ. Хятад улс Азийн хамтын ажиллагааны яриа хэлэлцээнд идэвхтэй оролцож, өндөр ач холбогдол өгч, Азийн хамтын ажиллагааны хэлэлцээний механизмын үр нөлөөг дээшлүүлэхэд бүх талаар дэмжиж, Азийн бүс нутгийн хөгжил болон интеграцлалын үйл явдалд дэмжлэг үзүүлсээр байна. Сүүлийн жилүүдэд Хятад улс “Торгоны замын ажил хэрэгч хамтын ажиллагааны форум”, “Хамтаар бүтээх Нэг бүс-Нэг зам санаачилгын хамтын ажиллагааны форум ба Азийн худалдаа аж үйлдвэрийн танхимуудын хурал” зэрэг арга хэмжээнүүдийг санаачлан зохион байгуулж, уг яриа хэлэлцээний механизмыг амжилттай болгож, ажил хэрэгч хамтын ажиллагааг гүнзгийрүүлэхийг дэмжиж байна.