1992 оны 10 дугаар сард Казакстаны ерөнхийлөгч Назарбаев НҮБ-ын 47 дахь удаагийн Ерөнхий ассамблейн хурал дээр бүх Азийн хүрээний бүс нутгийн шинжтэй аюулгүй байдлын хамтын ажиллагааны байгууллагыг байгуулах санаачилгыг гаргаснаар улс орнуудын судлаачид, мэргэжилтнүүд болон удирдагч нарын дунд “Ази, Европын энх тайван болон аюулгүй байдлын асуудал”-ыг хэлэлцэж Азийн бүх улс орнуудын дунд яриа хэлэлцээ, зөвшилцлийг дэмжин ажиллахаар болов.

10 гаруй жилийн урт хугацааны дараа мэргэжилтнүүдийн судалгаа болон дипломат зөвшилцлийн үр дүнд 2002 оны 6 дугаар сард Азид хамтын ажиллагаа итгэлцлийг бэхжүүлэх бага хурлын анхны дээд хэмжээний уулзалтыг Алма-Атад амжилттай зохион байгуулав. Азид хамтын ажиллагаа итгэлцлийг бэхжүүлэх бага хурал нь “НҮБ-ын үндсэн дүрэм”-ийн гол зарчим, үзэл санааг баримтлан бүх гишүүн улс орнууд эрх тэгшээр оролцож, улс орнуудын бүрэн эрхт байдал, газар нутгийн бүрэн бүтэн байдлыг хүндэтгэн үзэж, гишүүн орны дотоод улс төрийн хэрэгт оролцохгүй, санаачилгатай, энх тайванч хэлбэрээр үүссэн маргаанаа шийдвэрлэж, зэвсэглэлээр хөөцөлдөх болон зэвсгийн хүчээр харилцан заналхийлэхийг эсэргүүцэж, тогтсон хэм хэмжээнд болон цэргийн хэрэг, улс төр, шинэ аюул заналхийлэл, шинэ сорилт, эдийн засаг, хүрээлэн буй орчин зэрэг таван том хүрээнд итгэлцлийг бүтээн байгуулж, гишүүн орнуудын аюулгүй байдал, эдийн засаг, нийгэм болон соёлын харилцааг улам өргөжүүлэх гол зорилготой. Азид хамтын ажиллагаа итгэлцлийг бэхжүүлэх бага хурал нь улс орнуудын төрийн тэргүүн нарын уулзалт, Засгийн газрын тэргүүн нарын уулзалт, гадаад харилцааны сайд нарын уулзалт, ахлах албан тушаалтнуудын уулзалт, онцгой ажлын хэсгийн уулзалт зэрэг арга хэмжээ болон шийдвэрлэх механизмыг буй болгосон. 2014 онд Шанхай хотод зохион байгуулагдсан Азид хамтын ажиллагаа итгэлцлийг бэхжүүлэх бага хурлын дээд хэмжээний уулзалтын байдлаар Азид хамтын ажиллагаа итгэлцлийг бэхжүүлэх бага хурал нь 26 гишүүн оронтой, Азийн бүх бүс нутгийг хамарсан байна. Энэ удаагийн дээд хэмжээний уулзалт дээр Ши Жиньпин дарга “Хамтаар, нэгдсэн, хамтран ажиллаж, тасралтгүй хөгжих” нь Азийн аюулгүй байдлын ирээдүй гэж үзэн, хамтаар байгуулж, хамтаар эзэмшиж, хамтын хожилтой Азийн аюулгүй байдлын замыг цогцлоон бүтээхийг уриалжээ.