2010 оны 6 дугаар сард Хятад-Булангийн орнуудын хамтын ажиллагааны зөвлөлийн анхны стратегийн яриа хэлэлцээр Бээжин хотод болж, тухайн үеийн Кувейтийн шадар сайд бөгөөд Гадаад явдлын яамны сайд Мухаммед Сабах Али-Салем Али-Сабах /Mohammad Sabah Al-Salem Al-Sabah/, Арабын нэгдсэн Эмират улсын Гадаад хэргийн яамны сайд Анвар Мухаммед Каркаш /Anwar Mohammed Qarqash/, Булангийн орнуудын хамтын ажиллагааны байгууллагын ерөнхий нарийн бичгийн дарга Атиа болон БНХАУ-ын Гадаад явдлын яамны сайд Ян Жечы /Yang Jiechi/ нар хамтран яриа хэлэлцээг даргалж, хоёр тал өндөр түвшний стратегийн яриа хэлэлцээний харилцан ойлголцлын санамж бичигт гарын үсэг зурав. 2001 оны 5 дугаар сард хоёр дахь удаагийн стратегийн яриа хэлэлцээ Арабын нэгдсэн Эмират улсын нийслэл Абу Даби /Abu Dhabi/ хотноо зохион байгуулагдав. 2014 оны 1 дүгээр сард гурав дахь удаагийн стратегийн яриа хэлэлцээ Бээжин хотноо зохион байгуулагдаж Ши Жиньпин дарга Булангийн орнуудын хамтын ажиллагааны зөвлөлийн төлөөлөгчдийг хүлээн авч уулзав. Хоёр тал Хятад улс болон Булангийн орнуудын хамтын ажиллагааны зөвлөлийн стратегийн түншийн харилцааг байгуулахыг зөвшөөрөн санал нэгдэж, Хятад улс болон Булангийн орнуудын хамтын ажиллагааны зөвлөлийн яриа хэлэлцээг дахин эхлүүлэхийг онцгойлон дурдацгааж, БНХАУ болон Арабын Булангийн орнуудын хамтын ажиллагааны зөвлөлийн гишүүн орнуудын стратегийн яриа хэлэлцээний 2014-2017 онд хэрэгжүүлэх мөрийн хөтөлбөрийн төлөвлөгөөг гарын үсэг зурж батлав. Булангийн орнуудын хамтын ажиллагааны зөвлөл нь 6 гишүүн оронтой бөгөөд эртний Торгоны замын зангилаа газар байршиж, газар нутгийн байршлын давуу тал, хөгжлийн ирээдүйн хувьд асар их бөгөөд Хятад улсын санаачлан хэрэгжүүлж буй “Нэг бүсНэг зам” санаачилгын бүтээн байгуулалтын хувьд маш чухал хамтран ажиллагч түнш юм. Хятад улс Булангийн орнуудын хамтын ажиллагааны зөвлөлийн стратегийн яриа хэлэлцээ нь хоёр тал хамтран “Нэг бүс-Нэг зам”-ын бүтээн байгуулалтад нөлөөлөх томоохон индэр юм.