Их Миконг мөрний бүс нутгийн эдийн засгийн хамтын ажиллагаа нь Ланьцан мөрөн /Lancang River/, Миконг мөрний ай савд хамаарах зургаан орон Хятад, Мьянмар, Лаос, Тайланд, Камбож, Вьетнам орнууд хамтран оролцож энэ бүс нутгийн эдийн засгийн хамтын ажиллагааны механизмыг 1992 онд байгуулсан. Тус бүс нутгийн улс орнуудын эдийн засгийн харилцааг сайжруулж, уг бүс нутгийн эдийн засаг, нийгмийн хамтын хөгжлийг түргэсгэхэд чиглэгдсэн. Азийн хөгжлийн банк бол энэ механизмын үүсгэн байгуулагч, зөвшилцлийг эхлүүлэгч, гол санхүүжилтийн эх үүсвэрийг гаргагч тал юм. Гишүүн орнуудын удирдлагын хурал нь шийдвэр гаргах дээд бүтэц бөгөөд гурван жилд нэг удаа хуралдаж гишүүн орнууд үсгийн дарааллаар ээлжлэн зохион байгуулдаг. Өдөр тутмын шийдвэр гаргах байгууллага нь сайдын түвшний хурал бөгөөд мөн ахлах ажилтнуудын зөвлөл, ажлын хэсэг, мэргэжилтнүүдийн форум зэргээс бүрдэнэ. Энэхүү механизм нь сүүлийн 20-иод жилийн турш зам тээвэр, эрдэс баялаг, эрчим хүч, дэд бүтцийн бүтээн байгуулалт, хөдөө аж ахуй, аялал жуулчлал, мэдээллийн технологи, байгаль орчин, хүний нөөц, эдийн засгийн коридор зэрэг томоохон тэргүүлэх үр дүнтэй хамтын ажиллагааг хөгжүүлсээр ирлээ. Хятад улс Их Миконг мөрний бүс нутгийн эдийн засгийн хамтын ажиллагаанд их ач холбогдол өгч, бүх түвшинд идэвхтэйгээр оролцон, бүх хүрээний төслийн төлөвлөлт болон гүйцэтгэлд оролцож, гишүүн орнуудын ард иргэд аюулгүй, чинээлэг амьдралын төлөө өөрсдийн зүгээс хувь нэмрээ оруулсаар байна.