Хятад улс болон Африкийн улс орнуудын найрсаг хамтын ажиллагааг нэг шат ахиулж эдийн засгийн глобалчлалын сорилтыг хамтаар даван туулж, хамтын хөгжлийг чухалчлахын тулд Хятад, Африкийн хоёр тал хамтаар санаачлан “Хятад, Африкийн хамтын ажиллагааны форум, Бээжин 2000 он сайд нарын түвшний уулзалт”-ыг 2000 оны 10 дугаар сард Бээжин хотноо зохион байгуулж, Хятад, Африкийн хамтын ажиллагааны форум албан ёсоор байгуулагдсаныг зарлалаа. Уг форум нь эрх тэгш, харилцан ашигтай, эрх тэгш яриа хэлэлцээ, харилцан ойлголцлыг нэмэгдүүлж, нэгдсэн ойлголтыг өргөжүүлж, найрамдал нөхөрлөлийг сайжруулж, хамтын ажиллагааг дэмжих зорилготой юм. Гишүүд нь БНХАУ болон Хятадтай дипломат харилцаа тогтоосон Африкийн 51 орон ба Африкийн холбооны зөвлөлөөс бүрдэнэ. Хятад, Африкийн хамтын ажиллагааны форумын сайд нарын түвшний уулзалт нь гурван жилд нэг удаа зохион байгуулагддаг ба одоогоор зургаан удаа зохион байгуулагдаад байна. 2015 оны 12 дугаар сарын 4-нд Хятад, Африкийн хамтын ажиллагааны форум нь Йоханнесбургийн дээд хэмжээний уулзалтын нээлт дээр БНХАУ-ын дарга Ши Жиньпин Хятадын засгийн газрыг төлөөлөн Хятад, Африкийн шинэ хэлбэрийн стратегийн түншлэлийн харилцааг өргөжүүлэн дээшлүүлж, иж бүрэн стратегийн хамтын ажиллагааны түншийн харилцаа болгож байгаагаа зарлаж, мөн Африкт аж үйлдвэржилт, орчин үеийн хөдөө аж ахуйг хөгжүүлэх, дэд бүтцийн бүтээн байгуулалт, санхүү, ногоон хөгжил, худалдаа болон хөрөнгө оруулалтыг хөнгөрүүлэх, ядуурлыг бууруулах, нийтийн эрүүл мэндийн үйлчилгээ, хүмүүнлэг, энх тайван болон аюулгүй байдал зэрэг чиглэлд хамтаар “10 том хамтын ажиллагааны төлөвлөгөө”-г хэрэгжүүлэх санаачлагыг гарган дэвшүүлж, Хятад, Африкийн ажил хэрэгч хамтын ажиллагааны шинэ зураглалыг төлөвлөн танилцуулжээ.
2018 оны 9 дүгээр сард Хятад, Африкийн хамтын ажиллагааны форум Бээжинд дээд хэмжээний уулзалтаа хийж, “Хамтран ажиллаж, хамтаар ашгаа хүртэж, Хятад, Африкийн хамтын хувь заяаны нэгдлийг гар гараасаа барилцан бүтээн байгуулцгаая” уриатайгаар зохион байгуулахаар төлөвлөж байна. Уг дээд хэмжээний уулзалтаар Хятад, Африкийн хамтын ажиллагаа нь “Нэг бүс-Нэг зам” санаачилгыг хамтаар бүтээн байгуулах шинэ хүсэл эрмэлзлээ эхлүүлэх болно.
