Казакстаны ерөнхийлөгч Назарбаев 2014 оны 11 дүгээр сард сурталчилгааны мэдээлэлдээ “Гэгээн зам” шинэ эдийн засгийн бодлогыг хэрэгжүүлж, томоохон хэмжээний хөрөнгө оруулалтын төлөвлөлтийг хэрэгжүүлэн, Казакстаны эдийн засгийн өсөлтийг хангахаа илэрхийллээ. “Гэгээн зам” хөтөлбөр нь гурван жилийн дотор 9 тэрбум ам.долларыг тээвэр логистикийн бүтээн байгуулалт, аж үйлдвэрийн болон эрдэс баялгийн дэд бүтцийн бүтээн байгуулалт, нийтийн үйлчилгээний бүтээн байгуулалт, нийтийн халаалтын сүлжээг сайжруулах, барилгажилт болон нийгмийн дэд бүтцийн бүтээн байгуулалт, жижиг, дунд аж ахуйн нэгжийг дэмжих зэрэг чиглэлд ашиглахаар заажээ. “Гэгээн зам”-ын гол цөм нь тээвэр логистикийн дэд бүтцийн томоохон хэмжээний хөрөнгө оруулалт болох агаад Казакстаны дотоодын тээврийн сүлжээг хүчирхэгжүүлж, Казакстаны Хятад улс, Европ болон Ойрхи дорнодын томоохон зах зээлүүдтэй холбогдох дэлхийн хэмжээний тээврийн коридорыг бий болгоно. Казакстан улс “Гэгээн зам”-ын бүтээн байгуулалтын дагуу болон Хятад, Төв Ази, ОХУ, Европын шугамын дагуу ачаа тээвэрлэлтийн хэмжээг хоёр дахин нэмэгдүүлэхээр шийдвэрлэж, жилийн ачаа эргэлтийг 33 сая тонн болгоно. Хятад, Казакстан хоёр орны удирдагч нар олон удаа “Гэгээн зам” болон “Нэг бүс-Нэг зам” санаачилгын харилцан уялдаж буй талууд ба харилцан нөхөх хэлбэрийг сайшаан дэмжиж буйгаа илэрхийлэв. Хоёр тал хүсэл зорилгоороо харилцан уялдаж буйгаа илэрхийлж, ажил хэрэгч арга хэмжээнүүдийг хэрэгжүүлсээр байна.