“Өмнөд бүсийн эрчим хүчний коридор” нь “Өмнөд бүсийн коридорын хий дамжуулах сүлжээ” ч гэж нэрлэгдэж, Европын холбооноос уйгагүй санаачилж буй том хэмжээний гол төслийн нэг юм. Зөвхөн нэг улсын байгалийн хийн нийлүүлэлтийн хамаарлыг багасгаж Европын эрчим хүчний нийлүүлэлтийн сувгийг олон талт болгох зорилготой.
Европын холбоо нь холбогдох улс орнуудтай олон жилийн яриа хэлэлцээр хийсний үр дүнд 2008 онд Набукко /Nabucco pipeline/-гийн байгалийн хийн хоолойд үндэслэсэн “Өмнөд бүсийн коридор”-ын хий дамжуулах хоолойн сүлжээг үүсгэх санаачилга гаргасан байна. Набуккогийн байгалийн хий дамжуулах хоолойн төсөл нь Европын холбооноос хөрөнгө оруулж, нийт 3300 км үргэлжилсэн Каспийн тэнгисийн бүсийн байгалийн хийг Турк, Болгар, Румын, Унгараар дамжин Австрид хүрч, дараа нь цаашлаад Европын холбооны бусад улсуудад түгээгдэхээр төлөвлөжээ. Тус төслийн нийт хөрөнгө оруулалт нь урьдчилсан байдлаар 7, 9 тэрбум евро, нэг жилд дамжуулан тээвэрлэх байгалийн хийн хэмжээ нь 31 тэрбум м3 болно. Одоогоор Европын холбоо нь өмнөд бүсийн эрчим хүчний коридорын хийн нөөцийн сонголт, хийн хоолой дамжин өнгөрөх олон улс орнуудын орчин нөхцөл зэргийн талаар цөөнгүй асуудлуудтай байнга тулгарч, хий нийлүүлэх төлөвлөгөөнд бэрхшээл учирсаар байгаа тул Европын холбоо эрчим хүчний аюулгүй баттай ханган нийлүүлэлтийн үүргээ биелүүлэхэд бас л тодорхойгүй цаг хугацаа орох төлөвтэй байна.
