Индонезийн Жакарта-Бандуны төмөр зам нь Хятадын аж ахуйн нэгжийн оролцоо болон хөрөнгө оруулалтаар бүтээн байгуулагдсан Индонезийн анхны хурдны галт тэрэгний зам болох ба тус улсын нийслэл Жакартагаас дөрөв дэх том хот Бандун хүртэл 150 км үргэлжилсэн урттай, Хятадын технологи, Хятадын стандарт, Хятадын хөдлөх бүрэлдэхүүн, тоног хэрэгслийг ашиглан 250-300км цагийн хурдтай байхаар төлөвлөгдсөн. Бүтээн байгуулалт дуусаж галт тэрэг аялж эхэлснээр Жакартагаас Бандун хүртэлх туулах хугацааг 40 минут хүртэл багасгана. 2015 оны 10 дугаар сарын 16-нд Хятадын төмөр замын ерөнхий корпораци /China Railway Corporation / Жакартад Индонезийн төрийн өмчит аж ахуйн нэгжтэй гэрээ байгуулж, Хятад, Индонезийн Жакарта-Бандуны хурдны галт тэрэгний хамтарсан компанийг байгуулж Индонезийн Жакартагаас Бандун орох хурдны галт тэрэгний төслийн бүтээн байгуулалт болон үйл ажиллагааг нь хариуцахаар болов. Жакарта Бандуны хурдны галт тэрэгний төсөл нь олон улсад анх удаа Засгийн газрууд санаачлан удирдаж, хоёр улсын аж ахуйн нэгж хамтран хэрэгжүүлэх болсон хурдны галт тэрэгний төсөл болох ба олон улсын төмөр замын хамтын ажиллагааны хэлбэрт шинэ туршлага, инноваци болсон юм. 2016 оны 1 дүгээр сарын 21-нд Жакарта-Бандуны хурдны галт тэрэгний төслийн шав тавих ёслол болов. Жакарта-Бандуны хурдны галт тэрэгний төсөл нь Индонезийн металлург, боловсруулах аж үйлдвэр, дэд бүтэц, эрчим хүч, тээвэр логистик болон бусад дагалдах салбарын хөгжлийг хурдасган, ажлын байрыг нэмэгдүүлж, үйлдвэрлэлийн бүтээмжийг өндөрсгөх ба бүтээн байгуулалт дуусаж галт тэрэг аялж эхэлсний дараа ард иргэдийн аялах, дотоодын тээврээр үйлчлүүлэхэд таатай нөхцөлийг бий болгож, уг замын дагуу бизнесийн боломжуудыг олноор үүсгэж, тухайн замыг дагасан аялал жуулчлалын салбар хурдтай хөгжиж, Хятад, Индонези хоорондын дэд бүтэц, худалдаа зэрэг хүрээний нэг шат ахисан хамтын ажиллагааны үлгэр жишээ болон хөгжих бүрэн боломжтой юм.