Момбас-Нэйробийн төмөр зам нь зүүн Африкийн төмөр замын сүлжээний эхлэл хэсэг бөгөөд нийт урт нь 471км, жилийн тээвэрлэлтийн хүчин чадал нь 25 сая тонн, зорчигч тээвэрлэх хурд нь 120км/цаг, ачаа тээвэрлэх хурд нь 80км/цаг бөгөөд Кенийн нийслэл Нэйробо болон зүүн Африкийн хамгийн том далайн боомт болох Момбасыг холбосон Кени улс тусгаар тогтсоноос хойш хамгийн том дэд бүтцийн бүтээн байгуулалтын төсөл, мөн гадаадад бүх хэлбэрээрээ “хятадын стандарт”-аар хэрэгжүүлсэн төмөр замын анхны бүтээн байгуулалтын төсөл юм. Уг төсөл нь Кенийн сүүлийн 100 жилд хэрэгжүүлсэн анхны төмөр замын шугам тул Кенийн ард түмэн “зууны төмөр зам” гэж нэрлэдэг. Уг төмөр зам 2014 оны 10 дугаар сараас бүтээн байгуулалтын ажлаа эхэлж, 2017 оны 5 дугаар сарын 31-нд галт тэрэгний хөдөлгөөнөө эхлээд байна. Уг төмөр зам нь Ши Жиньпин даргын санаачилсан “Нэг бүс-Нэг зам” санаачилга болон Хятад, Африкийн хамтын ажиллагааны форумын Йоханнесбургийн дээд хэмжээний уулзалтаар батлагдсан 10 том хамтын ажиллагааны хамгийн эхний үр дүнтэй төсөл юм. Цаашдын төлөвлөгөөг харгалзан үзвэл уг төмөр зам нь Кени, Танзани, Уганда, Руанда, Бурунди болон Өмнөд Судан зэрэг зүүн Африкийн зургаан улстай холбогдож, Зүүн Африкийн орчин үеийн төмөр замын сүлжээ болон бүс нутгийн эдийн засгийн хөгжлийг дэмжих болно. Статистик мэдээллээс харвал Момбас-Нэйробийн төмөр замын бүтээн байгуулалтын үед 40 мянга гаруй Кенийн иргэд ажиллаж, нийт ажиллах хүчний 90 хувийг орон нутгийн ажилчид эзэлж, тус улсын дотоодын нийт бүтээгдэхүүний өсөлтийг 1.5 хувиар нэмэгдүүлжээ. Төмөр замын бүтээн байгуулалт дуусаж, үйл ажиллагаа эхэлснээр бараа бүтээгдэхүүний тээвэрлэх хугацаа хуучин 10 цаг зарцуулдгаас дөрвөн цаг болон багасаж, тээврийн зардал 40-өөс дээш хувиар багасах ажээ.