Каротын усан цахилгаан станц нь Пакистаны хойд хэсгийн Инд мөрний ай савын Гуйллауме /Guillaume/ гол дээр нийслэл Исламабадаас шулуун зайгаар 55км зайтай, “Нэг бүс-Нэг зам” санаачилгын бүтээн байгуулалтын анхны усан цахилгаан станцын төсөл, мөн Торгоны зам сан 2014 оны сүүлээр байгуулагдсаны дараа анхны хөрөнгө оруулалтын төсөл бөгөөд мөн “Хятад-Пакистаны эдийн засгийн коридор” эрчим хүчний бүтээн байгуулалтын тэргүүлэх төслийн нэг болж, одоогоор Хятадын аж ахуйн нэгжийн хөрөнгө оруулж бүтээн байгуулсан өмчийн эрхийг хугацаж шилжүүлэх хамгийн том усан цахилгаан станцын төсөл юм. Уг төсөл нь “барих-ашиглах-шилжүүлэх” /BOT/ хэлбэрийг ашиглаж 2015 оны сүүлээс эхлэн барилгын ажил эхэлсэн ба 2020 онд ашиглалтад орохоор төлөвлөн, 30 жил ашигласны дараа эргэн төлөгдөх нөхцөлгүйгээр Пакистаны талд шилжүүлэн өгнө. Уг цахилгаан станцын суурилагдсан хүчин чадал нь 720мBт ба жилд 3.2 тэрбум кВт цахилгаан үйлдвэрлэх хүчин чадалтай, нийт хөрөнгө оруулалтын хэмжээ нь 1.65 тэрбум ам.доллар байна. Голлон цахилгаан эрчим хүч үйлдвэрлэхээс гадна үерээс хамгаалах, цөлжилтөөс хамгаалах, усан тээврийн нөхцөлийг сайжруулах болон усан сангийн бүсэд усан тээврийг хөгжүүлэх зэрэг цогц үр ашигтай юм. Уг төслийн бүтээн байгуулалтын үед тухайн орон нутгийн 2000 гаруй иргэд шууд ажлын байраар хангагдаж, орон нутгийн эрчим хүчний хангамжийг сайжруулж үйлдвэрлэлийн чанарыг дээшлүүлэхэд онцгой нөлөөтэй.