ХКН-ын 18 дугаар их хурлаас хойш Ши Жиньпин дарга гадаад болон дотоодын арга хэмжээн дээр олон удаа “Тогтвортой урагшлах ажлын ерөнхий шаардлага”-ийн талаар ярьсаар ирсэн. Сүүлийн жилүүдэд зохин байгуулагдсан Намын Төв Хорооны эдийн засгийн хурал ч энэхүү удирдамжийг баримтлан дараа жилийнхээ ажлын ерөнхий зорилт болгон ажиллаж ирлээ.
2016 оны 12 дугаар сард Намын Төв Хорооны эдийн засгийн хуралаас тогтвортой урагшлах ажлын ерөнхий шаардлага бол улс орныг удирдах чухал зарчим төдийгүй эдийн засгийг зохицуулах арга зам мөн хэмээн онцолсон. Тогтвортой урагшлах ажлын ерөнхий шаардлага хэрэгжүүлэн “тогтвортой” буюу эдийн засгийн үйл ажиллагааг тогтворжуулснаар эдийн засгий өсөлт ба хөдөлмөр эрхлэлт нэмэгдсэн, үнийн огцом хэлбэлзэлгүй, санхүүгийн тогтолцоо нь бүс нутгийн системчлэгдсэн эрсдэлд орохгүй байх явдал юм. “Тогтвортой” гэдэг нь хөгжлийн загвар, ерөнхий шаардлага юм.
“Тогтвортой”-д үндэслэн дээр улс орны голлох салбарууд урагшлан, боломжтой хэмжээгээрээ хөгжинэ. “Урагшлах” гэдэг нь эдийн засгийн бүтцийг тохируулж, өөрчлөлт шинэчлэлийн нээлттэй байдлыг гүнзгийрүүлэхэд анхаарч, эдийн засгийн хөгжлийн арга хэлбэрийг өөрчлөх, инновацад суурилсан хөгжилд шинэ үр дүнд хүрэхийг хэлнэ.
“Тогтвортой” ба “Урагшлах” нь харилцан бие биеэ дэмжиж, нийгэм эдийн засгийг тогтворжуулснаар эдийн засгийн бүтцийг тохируулах болон өөрчлөлт шинэчлэлийн нээлттэй байдлыг гүнзгийрүүлэхэд эдийн засгийн тогтвортой макро орчныг бүрдүүлдэг. нөгөө талаар, эдийн засгийн бүтцийн тохиргоо, өөрчлөлт шинэчлэлийн нээлттэй байдлыг гүнзгийрүүлэхэд бодит ахиц дэвшил гарснаар, нийгэм эдийн засгийн хэвийн үйл ажиллагаанд нааштай хүлээлтийг үүсгэдэг.