“БНХАУ-ын Эдийн засаг ба нийгмийн хөгжлийн арван гурав дахь 5 жилийн төлөвлөгөөний хөтөлбөр” буюу товчилбол “Арван гуравдугаар 5 жилийн төлөвлөгөө” нь 2016 оны гуравдугаар сард албан ёсоор зарлагдсан. 2016-2020 он хүртэлх хугацааг хамарна. Тус төлөвлөгөө нь “арван гурав дахь 5 жилийн” хугацаанд хэрэгжих үндэсний стратегийн зорилго, нийгэм эдийн засгийн хөгжлийн томоохон гол зорилт, үүрэг ба арга хэмжээг тодорхойлсон, зах зээлийн объектын үйл ажиллагааны чиглүүлэгч, засгийн газар үүрэг хариуцлагаа хэрэгжүүлэх чухал үндэслэл болон бүх ард түмэн маш анхааран үздэг бичиг баримт юм. “Арван гуравдугаар 5 жилийн төлөвлөгөө”-өөр 2020 он гэхэд “Дунд зэргийн чинээлэг нийгэм” бий болгох зорилт тавьж, анх удаа “Инновац, зохицуулалттай, ногоон, нээлттэй, хамтдаа хүртэх” гэсэн 5 том хөгжлийн үзэл баримтлалыг дэвшүүлсэн. Дунд зэргийн чинээлэг нийгмийг цогцлох зорилтын шаардлагаас үүдэн “Арван гуравдугаар 5 жилийн төлөвлөгөө”-р эдийн засаг, нийгмийн хөгжлийн таван талын үндсэн зорилтыг тодорхойлов. Үүнд: эдийн засгийн хурдтай өсөлт, ард түмний амьдралын түвшин ба чанарыг жигд сайжруулах, ард түмний хүн чанар, соёлжилтын түвшнийг илт нэмэгдүүлэх, байгаль орчны чанарыг ерөнхийд нь сайжруулах, бүх талын системийг илүү боловсронгуй илүү хэлбэржүүлнэ.