Бээжин-Тяньжин-Хэбэйн уялдаатай хөгжил нь үндэсний чухал стратеги бөгөөд үүний гол цөм нь улсын нийслэл Бээжингийн нийслэлийн бус чадавхыг задлах зорилготой. Энэхүү алхам нь эдийн засгийн бүтэц, орон зайны бүтцийг өөрчлөх боломжийг бий болгох, эрчимжсэн хөгжлийн шинэ зам олохоос гадна, хүн ам шигүү суурьшсан бүс нутгийг оновчтой зохицуулах хөгжлийн шинэ загварыг судалж, бүс нутгийн зохистой хөгжлийг нэмэгдүүлж, шинэ өсөлтийн туйлыг бий болгоход оршино. 2015 оны 04-р сард ХКН-ын Төв Хорооны Улс төрийн товчооноос Бээжин-Тяньжин-Хэбэй бүс нутгийн уялдаатай хөгжилд дээд түвшний төлөвлөлт болгон “Бээжин-Тяньжин Хэбэйн уялдаатай хөгжлийн төлөвлөлтийн хөтөлбөр”-г хянаж батлав. Бээжин Тяньжин-Хэбэйн уялдаатай хөгжил нь хамрах хүрээний хувьд Бээжин, Тяньжин, Хэбэйн нутаг дахь 11 хотыг хамрах бөгөөд зам тээврийн нэгтгэл, байгаль орчныг хамгаалах, үйлдвэрлэлийн шинэчлэл ба дэвшил хэмээх үндсэн гурван чиглэлээр тэргүүлэхээр төлөвлөсөн.
Тус хамтын ажиллагааны төлөвлөгөө нь Бээжин, Тяньжин, Хэбэйн хөгжлийн явцад тулгарах зөрчил, асуудлыг шийдвэрлээд зогсохгүй улс орны хөгжлийн бүс нутгийн төлөвлөлтийг оновчтой болгож, нийгмийн бүтээмжийн орон зайн бүтэц, эдийн засгийн өсөлтийн шинэ туйлыг бий болгох, эдийн засгийн хөгжлийн шинэ хэлбэрийг бий болгох шаардлагыг хангаж байгаа юм.