2016 оны 3-р сарын 25-ны өдрийн хуралдаанаар ХКН-ын Төв Хорооны Улс Төрийн Товчоо “Хөх мөрний эдийн засгийн бүс” төлөвлөгөөг хянаж баталсан. Хөх мөрний эдийн засгийн бүсэд Шанхай, Жянсу, Жэжян, Аньхуй, Жянши, Хэбэй, Хүнань, Чунчин, Сычуань, Юньнань, Гүйжоу зэрэг 11 муж, хот харьяалагддаг. Хөх мөрний эдийн засгийн бүсийн гол чиг баримжаа нь хэт хөгжлийн улмаас байгаль орчныг ноцтой сүйтгэлгүй хамтад нь нөхөн сэргээж хамгаалах юм.
Хөх мөрний эдийн засгийн бүсийг хөгжүүлэхэд чиглэсэн зорилгод:
•2020 он гэхэд экологийн орчныг эрс сайжруулж, усны нөөцийг үр дүнтэй хамгаалж, зохистой хэрэглэх.
•Хөх мөрний усан шугамын саад тотгорыг арилгаж, зориулалтыг нэмэгдүүлэх.
•Инновацын хөгжилд томоохон ахиц дэвшил авчрах. Дэлхийн хэмжээний аж ахуй нэгж, үйлдвэрлэлийн кластерыг бий болгож олон улсын зах зээлд өрсөлдөх чадварыг илт бэхжүүлэх.
•Эх газар болон далайн эдийн засгийн уялдаатай хөгжих ерөнхий төлөвлөлт, харилцан нээлтэй байдалд онцгой анхаарал хандуулах, “Бүс ба зам” бүтээн байгуулалтад гүн гүнзгий интеграцитай бүхий өргөн цар хүрээтэй нээлтийн шинэ хэв маягийг байгуулах.
•Хөгжлийн ерөнхий төлөвлөлт, нэгтгэл, уялдаа холбоо, тогтвортой байдлыг улам бүр бэхжүүлэх.
•Голлох салбар, гол үе шатны шинэчлэлийн талаар томоохон ахиц дэвшил гаргах.
•Хөх мөрний сав газрын өндөр үр дүнтэй менежментийн тогтолцоог байгуулж, хэрэгжүүлэх, нэгтгэх.
•Нээлттэй, нэгдмэл, орчин үеийн зах зээлийн тогтолцоогерөнхийдбайгуулах.
Эдийн засгийн хөгжлийн чанар ба үр ашгийг эрс нэмэгдүүлж, улс орны эдийн засаг, нийгмийн хөгжлийг удирдан чиглүүлэх стратегийн тулгуур бүсийг бий болгох.
2030 он гэхэд усны орчин, усны экологийн чанарыг иж бүрэн сайжруулж, экосистемийн үр нөлөөг илт нэмэгдүүлж, жигд усны урсгалтай, усны алтан суваг нь бүрэн дүүрэн онцлогтой Хөх мөрний бүтээн байгуулалтыг бий болгох. Орчин үеийн аж үйлдвэрлэлийн инновацын тогтолцоог байгуулж, Хөх мөрний эх, адаг, дунд бүсийн хөгжлийн нэгдсэн хэв маягийг бий болгох. Экологийн орчныг улам үзэсгэлэнтэй, эдийн засгийн хөгжлийг илүү эрч хүчтэй, ард түмний амьжиргааны түвшнийг улам сайжруулж, үндэсний эдийн засаг, нийгмийн хөгжилд илүү чухал үлгэр дуурайлал болж стратегийн чухал тулгуур болох.
