Их Британид тархсан коронавирусний хувилбараар халдварласан анхны тохиолдлууд Хятадын нийслэл Бээжин хотод бүртгэгдсэн тухай Бээжин хотын Өвчнөөс урьдчилан сэргийлэх, хянах төвийн орлогч дарга Пан Шинхө мэдэгджээ.
"Өвчнөөс Урьдчилан сэргийлэх, хянах төвд хийсэн шинжилгээгээр “КОВИД-19”-ийн халдвар авсан нь батлагдсан хоёр тохиолдол Их Британид илэрсэн коронавирусний хувилбараар халдварласан тохиолдолд тооцогдож байна. Халдварын эх үүсвэрийг зөөвөрлөгдөн орж ирсэн гэж урьдчилсан байдлаар тогтоогоод байна" гэж Пан Шинхө мэдэгджээ. Халдварын тохиолдлууд Бээжингийн Да Шин дүүрэгт бүртгэгдсэн байна.
Хотын эрх баригчид мөн сүүлийн 14 хоногийн хугацаанд Да Шин дүүрэгт байсан бүх хүн коронавирусний нуклейн хүчлийн шинжилгээг цаг алдалгүй өгч, халдвар тархахаас урьдчилан сэргийлэхийн тулд шинжилгээний хариу гартал Бээжингээс явахгүй, олон хүнтэй харилцахгүй байхыг сануулав.
