Өвөр Монголын Ардын Төлөөлөгчдийн XIII Их Хурлын IV хуралдааны бэлтгэл ажлын хэсэг 01-р сарын 24-ний өдөр их хурлын бэлтгэл ажлын талаар тайлагнан, холбогдох ажлыг төлөвлөн зохицуулах зорилгоор төлөөлөгчдийн баг, төлөөлөгчдийн багийн туслах ажилтнууд, хурлын ажлын зохион байгуулалтыг хариуцаж буй ажилтнуудын хурлыг зохион байгуулсан байна.

Энэ удаагийн Ардын Төлөөлөгчдийн Их Хурлыг амжилттай зохион байгуулснаар Намын Төв Хороо, ӨЗО-ы Намын Хорооноос гаргасан томоохон шийдвэр, хуваарилалтыг бүс нутгийн олон үндэстний ард түмний нийтлэг хүсэл зорилт, нэгдмэл үйл ажиллагаа болгон өөрчлөх, өндөр чанартай хөгжилд чиглэсэн хүсэл тэмүүлэл, хөдөлгөгч хүчийг бий болгохыг дэмжих, "Арван дөрөвдүгээр таван жилийн төлөвлөгөө"-г амжилттай сайн эхлүүлэхэд маш чухал ач холбогдолтой юм гэж тус хурлаар дурдав.

Цар тахлаас урьдчилан сэргийлэх, хянах асуудлыг хурлын аюулгүй байдлыг хангах тэргүүн чухал ажил болгон анхаарч, хурлын орчинг хаалттай байлгах менежментийн журмыг чанд мөрдөж ажиллах хэрэгтэй. Шударга байлгах үүднээс хурлын сахилга батыг бэхжүүлэх тодорхой заалтуудыг чандлан хэрэгжүүлэх хэрэгтэй. Хэвлэл мэдээлэл, сурталчилгааны сахилга батыг чанд сахиж, олон нийтийн хэлэлцээний таатай уур амьсгалыг бүрдүүлэх хэрэгтэй гэж хурлаар шаардав.