Олон нийтийн спортыг чухалчилж байгаа энэ эринд Орон нутгийн олон нийтийн спортыг хэрхэн хөгжүүлэх вэ? Өөртөө засах орны УТЗЗ-ний гишүүн, Хөххотын Биеийн тамирын сургуулийн багш Бүрэнбаяр энэ асуудалд анхаарч ажилласаар ирсэн юм.

   Улс ба Өөртөө засах орноос спортын хөгжлийг чухалчлан спортын ордон, талбайн бүтээн байгуулалтыг чангатгаж, тусгай мэргэжлийн боловсон хүчнийг бэлтгэн, олон нийтийн идэвхийг дайчилж,  спортын хөгжилд онцгой анхаарч байгаа боловч орон нутгийн спортын хөгжил нь удаашралтай байгаа аж.
  - Хошуу, шянь, суурин, баг, тосгон гэж ангилалгүйгээр спортын талбай, ордны бүтээн байгуулалтыг сайжруулж, спортын салбарын хөгжилд шаардагдах дэд бүтцийг бүрэн болгож өгвөл зохино гэж Бүрэнбаяр гишүүн тодорхойлж байна.
 Дэд бүтцийн бүтээн байгуулалтаас гадна, олон нийтийн спортыг удирдах ажлын тогтоц ба зохион байгуулалтын системийг байгуулан бүрэн төгөлдөр болгож, орон нутгийн Засгийн газрын спортын нийгэмлэг, клуб, бие чийрэгжүүлэх газар зэрэг ард иргэдийн дундах спортын зохион байгуулалтыг үүсгэн байгуулах ажлыг урамшуулбал зохино. Бүрэнбаяр гишүүн орон нутгийн олон нийтийн спортыг хөгжүүлэхэд боловсон хүчний асуудлыг зайлшгүй нэн тэргүүнд шийдвэрлэх шаардлагатай байна.
 - Зөвхөн дэд бүтцийн асуудлыг шийдвэрлэснээр хангалттай биш, харин орон нутгийн олон нийтийн спортыг хөгжүүлэхэд заавал тусгай мэргэжлийн сургууль дүүргэсэн шилдэг боловсон хүчин буюу тусгай тамирчид сургалт хийх хэрэгтэй. Тэднийг ажлын байраар хангах бөгөөд ажлын идэвхийг нь дайчилсан байх хэрэгтэй гэж Бүрэнбаяр гишүүн оршин буй асуудлыг хэрхэн шийдвэрлэх тухайд бодлоо хуваалцлаа.