Цагаан сарын амралтын дараа хамт ажилтнууддаа “Орчин үеийн нэхмэлчин хүүхэн” гэж нэрлэгдсэн Фэн Яньли яарч эхэллээ. Шинжлэх ухааны судалгааны ажлаасаа гадна, басхүү БНХАУ-ын Хоёр хуралд дэвшүүлэх гэж байгаа гурван санал зөвлөмжөө төгөлдөржүүлээд тун чиг завгүй.
Гурван санал зөвлөмжийнх нь дотор: Эхнийх нь түүний олон жилийн судалгаатай нь холбоотой. Тэрээр улсын өндөр үзүүлэлттэй /aramid fibre/ арамидтай холбоотой ажлын хөгжлийг дэмжих эрчмийг чангаруулах тухай тусгай санал дэвшүүлэхээр бэлтгэжээ. Харин нөгөө хоёр санал нь олон түмний амьдралтай холбоотой.
- БНХАУ-ын ардын төлөөлөгчөөр сонгогдсон анхны жилдээ би өөрийн тусгай мэргэжилтэйгээ холбогдуулж гол санал зөвлөмжөө дурдсан. Одоо би ард иргэдийн амьдралын асуудлыг улам их халамжлах болсон. Энэ бол ардын төлөөлөгч хүний үүрэг хариуцлага гэж Фэн Яньли ярьж байлаа.
БНХАУ-ын Ардын Төлөөлөгчдийн Их Хурлын Байнгын хорооны төлөөлөгчийн сургалтад оролцох үеийн “Тянь Аньмэнь талбай дээр зогсож асуудлыг шинжиж, тариан шангийн дэргэдээс сэтгэгдэл эрнэ” гэдэг үг Фэн Яньлид маш гүн сэтгэгдэл үлдээжээ. Тэрээр:
- Энэ бол үндсэн шатны улсын ардын төлөөлөгчид тавьсан хамгийн дүрслэг шаардлага юм. Намын төв хороотой цаг ямагт нэгдэж, тасралтгүй үндсэн шатанд гүнзгийрэн, олон түмэнтэй ойртож, олон түмний хүсэл саналыг ойлгоно гэж хэлж хэллээ.
Фэн Яньли өдөр тутмын ажлын явцдаа шинжлэх ухааны судалгааны ажлаасаа гадна, мөн үйлдвэрлэлийн нэгдүгээр эгнээнд гүнзгий нэвтэрч ажиллах тохиолоо ашиглаж, байгууллагынхаа бүх хэлтсийн үндсэн шатны ажилтнуудын байдалтай танилцан, дотроос нь тохиромжтой сэдвийг нь сонгож өөрийнхөө санал зөвлөмж болгодог.
Өнгөрсөн нэг жилд тэрээр өөртөө засах орны Ардын Төлөөлөгчдийн Их Хурлын Байнгын хорооны зохион байгуулсан тусгай сэдвээр судалгаа шинжилгээний үйл ажиллагаанд оролцож, Хөлөнбуйр, Хянган, Тунляо, Улаанхад зэрэг аймаг, хотод хүрч, тухайн газар орны нутаг бэлчээрийн амь ахуйг хамгаалах тэтгэмж өгч шагнах төрийн бодлогыг хэрэгжүүлж байгаа байдал, өөртөө засах орны экологийн цэвэр тариалангийн бүтээгдэхүүн малын ашиг шимийн хангалтыг дэмжих давуу тал, мөн улсын амуу будааны тогтвортой байдлыг баталж буй байдалтай танилцсан байна.
Үүнээс гадна, Хөххотын их сургуулийн зүүн замын нийгэм дүүргийн ардын төлөөлөгчийн нийгмийн үйл ажиллаад оролцож, нийгэм дүүргээр гүнзгийрэн олон түмний бухимдал, хүндрэл бэрхшээлийг ойлгохын хамт айл өрх бүртэй холбогдох амьдрал ахуй ба дулааны төлбөрийн асуудлыг шийдвэрлэхээр чармайв.
Тэрээр ийнхүү олон түмэнтэй ойртох давуу талдаа түшиглэн энэ жилийн улсын хоёр хуралд дэвшүүлэх гол санал зөвлөмжөө тогтоосон байна.
- Улсын ардын төлөөлөгчийн хувьд би дэргэдэх олон түмэндээ тулгарч байгаа хүнд бэрхшээлтэй асуудлыг цаг ямагт анхаарч ажиллана. Ард түмнээс надад ардын төлөөлөгчийн эрхэм дээд үүрэг хариуцлагыг олгосон. Би олон түмний хүсэл саналыг нам, засагтаа дамжуулна гэж Фэн Яньли хэлж байлаа..
