Курбан Тулумын "Илжиг унаад Бээжинг зорьсон" түүх 60 жилийн өмнө гайхалтай түүхийг бүтээж байсан бол 60 жилийн дараа түүний жич охин Рукям Матисад нисэх онгоцоор Бээжинд ирж, АТИХ-д орох болсон нь элэнц өвгийнхөө гайхалтай үлгэр түүхэнд шинэ хуудас нэмж үлдээлээ.

Рукям Матисад хэмээх энэхүү охин Хятадын хамгийн анхны нисэх онгоц тээвэрлэгчийн Ляонин дэх хөлөг онгоцны цэрэг байсан төдийгүй XIII сонгуулийн БХАТИХ-ын төлөөлөгч байв.

- Миний элэнц өвөө буюу IV сонгуулийн БХАТИХ-ын төлөөлөгч Курбан Тулум 60 жилийн өмнө нутгийнхаа ард түмний сэтгэлийн үгийг Мао тэргүүлэгчид дамжуулахын тулд илжиг унаад Бээжин хотыг зорьсон гэдэг. Бээжин аль зүгт байгаа, хэр хол гэдгийг өвөө минь мэдэхгүй байжээ. Замд нь тааралдсан тэмээн жинчин Бээжинд хүрэхэд 40 цөл, 40 говийг туулж, 40 уул нурууг давах ёстой гэсэн гэнэ. Дэндүү хол байсан хэдий ч өвөө маань шантраагүй, өөрөө эзэн мэдэж жаргалтай амьдрах болсон нутгийн ард түмнийхээ аз жаргалын дуу хоолойг Мао тэргүүлэгчид заавал хүргэнэ гэж тэмүүлсэн. 2016 онд бид Ши Жиньпин даргад захидал бичиж, дэргэдэх өөрчлөлт, хөгжлөө хэлж сонсгосон. 2017 оны цагаан сарын дараа бид Ши Жиньпин даргын захидлын хариуг хүлээж авсан. Тэрээр бидэнд нам, эх орноо хайрлах түүхийн жишээ болж, үндэстний эв нэгдлийг ахиулан, намын удирдлага дор илүү сайхан ирээдүйг бүтээхийг захисан гэж Рукям Матисад ярьж байлаа.

Курбаны гэр бүлийн хэдэн үеийн хүний Бээжинг зорьсон аян нь Хятадын ард түмний хөл дээрээ боссон, баяжин чинээлэг болсон хүчирхэгжин мандсан үлгэр түүхийн амьд зураг гэлтэй.