Энэ жилийн Засгийн газрын ажлын тайланд дотоодод худалдаалах болон экспортын бараа бүтээгдэхүүн нь ижил үйлдвэрлэлийн дамжилга, ижил стандарт, ижил чанарын түвшинд байхыг ахиулах хэрэгтэй гэж дурдсан байна. Энэ нь экспортын компаниуд дотоодод борлуулж байгаа бараа бүтээгдэхүүн ба олон улсын зах зээлд гаргаж буй бүтээгдэхүүнээ ижил чанарын түвшинд хүргэхийн тулд экспортын болон дотоодын борлуулалтыг ижил үйлдвэрлэлийн шугаман дээр ижил стандартын дагуу үйлдвэрлэх шаардлагатай гэсэн үг юм. 

Хятадын эдийн засаг хурдацтай хөгжихийг дагаад иргэдийн орлого улам бүр нэмэгдэж, нэг хүнд ногдох орлого 2010 оныхоос хоёр дахин өссөн байна. Мөн иргэдийн мэдлэгийн цар хүрээ тэлж, улмаар хэрэглээний түвшин ч шат ахин, чанартай амьдралын хүсэл эрмэлзэл улам бүр хүчтэй болж байна.

Ард иргэдийн эрэлт хэрэгцээгээр удирдамж болгон бүтээгдэхүүний чанарыг сайжруулахад чиглэсэн "гурван ижил" бодлого нь аж ахуйн нэгжүүдийн үйлдвэрлэл, үйл ажиллагаанд өндөр стандарт тавьж, улмаар дотоод худалдаа, гадаад худалдааны бүтээгдэхүүнүүдийг ижил тайзан дээр өрсөлдөх болголоо. Ингэснээр ард иргэд дотоодын зах зээлээс илүү баталгаатай, аюулгүй, санаанд нийцсэн бүтээгдэхүүнийг худалдан авах боломжтой болно.