БНХАУ-ын Төрийн Зөвлөлийн ерөнхий сайд Ли Кэчян 03-р сарын 06-ны өдөр XIII сонгуулийн БХАТИХ-ын IV хурлын Гуанши мужийн төлөөлөгчдийн багийн хэлэлцүүлэгт оролцов. Тэрээр "Өнгөрсөн жил Ши Жиньпин даргаар цөм болгосон намын төв хорооны удирдлага дор тал бүрийн бэрхшээл, саадыг даван туулж, цар тахлаас урьдчилан сэргийлэх, хяналт тавих чиглэлээр стратегийн томоохон амжилтад хүрэхийн тулд бид бүхэн хамтран ажиллаж, эдийн засаг, нийгмийн хөгжил нэлээд сайн амжилт гаргасан байна. Мөн төлөвлөсний дагуу ядуурлын эсрэг тэмцэлд ялалт байгуулж, “Арван гуравдугаар таван жил”-ийн эдийн засаг нийгмийн хөгжлийн үндсэн зорилгыг биелүүллээ. Гуанши нь Ши Жиньпинээр цөм болгосон шинэ зууны Хятадын онцлогтой социалист үзлээр удирдуулан, Намын төв хороо, Төрийн зөвлөлийн шийдвэр, төлөвлөлтийг хэрэгжүүлэн, үндэстнүүдийн шаргуу хөдөлмөрөөр эдийн засгийн өсөлтийн хурд өнгөрсөн онд улсын дунджаас давж, иргэдийн амьжиргаа улам бүр сайжирч, бүх ажил шинэ ахиц дэвшил, шинэ үр дүнд хүрч байна" гэжээ.