“14-р таван жилийн төлөвлөгөө” ба 2035 оны хэтийн зорилтууд, эдийн засгийн хөгжил, хөдөө орон нутгийн сэргээн байгуулалт зэрэг сэдвүүд бүгд тэдний анхаарлыг татсан байна. Дэлхийн эдийн засгийн тодорхойгүй байдлын хүрээнд Хятад улс эерэг чиг хандлагыг өгч, томоохон төлөвлөгөө гаргалаа. Элчин сайдуудын яриаг уншигч та бүхэнд цувралаар хүргэж байна.

Беларусь улсаас БНХАУ-д суугаа онц бөгөөд бүрэн эрхт элчин сайд Сенко Юри:

        Хятадын бүтээгдэхүүн өдөр тутмын амьдралыг хялбарчилдаг
  - Хятад улс 2021 онд эдийн засаг, нийгмийн хөгжлийн үндсэн хүлээгдэж буй зорилгодоо хүрнэ гэдэгт итгэлтэй байна. Өөрчлөлт нээлтийн 40 жилийн туршид Хятад улс олон зуун сая хүнийг ядуурлаас гаргаж, эдийн засгийн хурдтай өсөлтөд хүрсэн. Эрсдэл, сорилтоор дүүрэн 2020 онд Хятадын эдийн засаг хөгжлийн эрч хүчээ хадгалсаар байна. 2020 онд Хятад улс  цар тахлыг амжилттай хяналтандаа авч,  эерэг өсөлтөд хүрсэн цорын ганц томоохон эдийн засгийн цогц болсон байна.

Юри:

- 2020 онд хүндрэлтэй байсан ч Беларусийн Хятадтай хийх худалдаа сайн байсаар байв. Беларусь улс Хятадад 700 гаруй сая ам.долларын бараа бүтээгдэхүүн экспортолжээ. Хятад руу экспортлох тахианы махны хэмжээ 3 дахин нэмэгдэж, уургийн хэмжээ 120 хувиар, сүү, цөцгий 60 хувиар нэмэгдсэн. Беларусийн элсэн чихэр, шар айраг, зайрмаг Хятадын зах зээлд анх удаа орж ирсэн. Юригийн үзэж байгаагаар хөгжлийн шинэ хэв маягийн дагуу Хятад улсын  дотоодын зах зээл тасралтгүй өсч Беларусьт экспортын боломжийг нэмэгдүүлсэн байна. "Бидний ажил бол Хятад улсын бүх чанар, аюулгүй байдлын шаардлагыг хангах. Беларусийн Хятад руу хийх экспорт 2021 онд улам өргөжинө гэдэгт би итгэж байна.
- Хятадын бүтээгдэхүүнийг Беларусийн хэрэглэгчид их таашаадаг. Хятадын Huawei, Xiaomi, Midea, Lenovo зэрэг брэндүүд Беларусь улсад нэр хүндтэй болжээ. Манайх гэр бүлээрээ Хятадын ухаалаг гэр ахуйн цахилгаан хэрэгсэлд маш их дуртай. Эдгээр нь өдөр тутмын амьдралыг ихээхэн хялбарчилдаг гэж тэрээр ярьлаа.