Колумби улс Хятадын Кэшин компаниас худалдан авсан “COVID-19”-ийн вакцины шинэ ээлж энэ сарын 11-ний орой Колумбийн нийслэл Богота хотод хүрлээ. Колумбийн Үндэсний вакцинжуулалтын төлөвлөгөөний дагуу тус ээлжийн вакциныг тэргүүлэх вакцинжуулалтын бүлэгт хоёр дахь тунгаар хэрэглэхэд голчлон ашиглана.

Колумбийн Үндэсний Хүнс, Эмийн Захиргаа 02-р сарын эхээр тус улсад Хятадын Кэшин вакциныг яаралтай ашиглахыг албан ёсоор зөвшөөрөв. Кэшин вакцины эхний ээлж 02-р сарын 20-нд Богота хотод хүрч, түүнээс хойш Кэшин вакцины олон ээлжийг тус улсад ээлж дараалан нийлүүлэв.

Колумби улс“COVID-19”-ийн вакцинжуулалтын ажлыг 02-р сарын 17-нд эхлүүлэв. Вакцинжуулалтын үндэсний төлөвлөгөөний дагуу эмнэлгийн ажилтнууд, 60-аас дээш насны иргэд, 60-аас доош насны суурь өвчтэй насанд хүрсэн өвчтөнүүд, бага, дунд ангийн багш зэрэг бүлгүүдийг вакцинжуулалтад тэргүүлэн хамруулах болно. Дөрөвдүгээр сарын 11-нийг хүртэл тус улс 3 сая гаруй тун“COVID-19”-ийн вакциныг вакцинжуулж дуусав.

Колумбийн Үндэсний эрүүл мэндийн хүрээлэнгийн статистик мэдээллээр энэ сарын 11-ний оройн байдлаар тус улсад нийт 2,536,198 тохиолдол батлагдаж, одоо байгаа батлагдсан тохиолдол 77.828, нас баралт 65.889 бүртгэгдээд байна.

Дэлхийн Эрүүл Мэндийн Байгууллагын статистик мэдээлэлд харуулснаар одоогийн байдлаар Коломбид“COVID-19”-ийн батлагдсан тохиолдлын нийт тоо нь Латин Америкт Бразилын дараа бичигдэн, дэлхийд 12-рт жагсаж байна.