- Та өнгөрсөн хэдэн жилийн хугацаанд Хятадад олон удаа зочилсон. Танд хамгийн их сэтгэгдэл төрүүлсэн зүйл юу вэ?
- Би Хятадын түүх, соёлд дуртай. Өнгөрсөн жил Ордны музейд зочилсон. Тэд Ордны 600 жилийн ойг тэмдэглэж байсан. Үүнийг өөрийн биеэр мэдрэх үнэхээр сайхан байлаа.
Энэхүү ярилцлага Бээжингийн шуудан, харилцаа холбооны их сургуулийн 22 настай оюутан Хэ Шиже ба Apple компаний гүйцэтгэх захирал Тим Күк нарын 02-р сарын 18-ны өдөр хийсэн Англи хэл дээрх яриа юм. Билибилийн видео сүлжээ дээрх энэ оюутны нэр "Сайн уу багш аа, намайг Хэ сурагч гэдэг" гэсэн нэртэй. Энэ ярилцлагын видео бичлэг таван сая гаруй хандалттай, тухайн өдрийн жагсаалтын эхний байранд орсон байна.
Залуу, өөртөө итгэлтэй, үзэл бодолтой, маш олон "90-ээд оныхон", тэр ч байтугай "2000 оныхон" ийм онцлогтой байдаг. Тэд бол Хятадын залуу үеийнхэн бөгөөд Хятад түүхийг сайн ярих хамгийн шинэ хүч юм. Тэдний Хятадын тухай ярих арга урьд өмнөхтэй харьцуулахад олон ялгаатай. Энэ нь гадаад, дотоодын үзэгчдийг улам бүр ихээр татаж байна.
Видео, анимэ дээрх Хятад хэв маягт хамгийн их дуртай
Бэхэн будгийн хэв маягийг сэтгэл хөдөлгөм хөгжим дагалдаж гайхалтай үзэгдэл эхэлнэ. Энэ бол жинхэнэ цэвэр Хятадын хүүхэлдэйн кино. Дүрүүдээс авахуулаад үйл явдлын өрнөл, уран зургийн ерөнхий хэв маяг, тэр ч байтугай чимсэн дуу хөгжим хүртэл Хятадын хэв маягийг хүчтэй илэрхийж байдаг. "Манант уулын таван элемент "(雾山五行) нэртэй энэхүү хүүхэлдэйн киног өнгөрсөн зун нээлтээ хийснээс хойш хандалтын тоо нь 100 гаруй саяд хүрсэн байна.
Тус киноны найруулагч Линь Хун:
- Тэд бол 10-аас илүүгүй хүнтэй маш залуу хамт олон. Гэхдээ тэд бүгд хятад зурганд маш их дуртай, дуртай зүйлээ уран бүтээлдээ шингээнэ гэж найдаж байдаг гэж шууд хэллээ.
Залуучууд олон сонгодог бүтээлийг эрэлхийлж, цоо шинэ байдлаар амилуулдаг.
2020 оны зун bilibili видеонд 1998 оны хувилбарын "Усан хөвөөний шастир", 1994 оны хувилбарын "Гурван улсын үлгэр", 1987 оны хувилбарын "Улаан асрын зүүд" болон 1986 оны хувилбарын "Баруун этгээдэд зорчсон тэмдэглэл" зэрэг өнгөрсөн зууны 80, 90-ээд онд авсан дөрвөн том телевизийн драмыг байрлуулжээ. Телевизийн анхны дэлгэцүүд нь залуу үзэгчдийн сэтгэгдлийг дагалдуулснаар өмнө нь телевизийн драмыг цоо шинэ байдлаар үзэх боломж олгосон байна.
Сүүлийн жилүүдэд сэтгэгдлийг дэлгэц дээр гүйлгэх хэлбэр нь өвөрмөц шуурхай байдал, интерактив байдал, шинэлэг харааны туршлагаараа хэрэглэгчид, ялангуяа залуу хэрэглэгчдийн дунд түгээмэл болж байна. Дөрвөн том телевизийн драм онлайнаар гарсны дараа "Гурван улсын үлгэр" кино дээрх Жан Фэйгийн “Би ч адилхан", "Баруун этгээдэд зорчсон тэмдэглэл" дэх Сүн Ү Күний "Та надтай зөвшилцөж зүрхлэх үү", "Улаан асрын зүүд" кинонуудад Жиа Бао Юйгийн "Энэ эмэгтэй дүүтэй би уулзаж байсан" зэрэг киноны дүрүүдийн хэлсэн үг, үйл хөдлөл нь залуу үзэгчдэд олонтаа онцгой сэтгэгдэл төрүүлж байсан.
- Энэ нь сайт хэрэглэгчдэд гэнэтийн бэлэг болж байсан бол бидний хувьд хүндэтгэл болсон гэж 1986 оны хувилбарын "Баруун этгээдэд зорчсон тэмдэглэл" киноны зураглаач Ван Чүн Чиү хүмүүсийн бичсэн зурвасууд харангаа сэтгэл хөдлөн хэлж байлаа.
Дуулах, бүжиглэхээс дуурь хүртэл анхны зорилго нь соёл
Битүүнд 2021 оны CCTV цагаан сарын тоглолтын шууд нэвтрүүлгээр Ван Юань, Юе Лян, Луо Тянь И нар хамтран "Намайг сонсоорой" хүүхдийн дууг дуулж, дунд нь эртний шүлэгтэй, мөн шаргуу хөдөлмөр, хог хаягдалгүй хэмнэлттэй боловсон байдлыг жүжиглэн харуулснаар хүүхдүүдэд утга төгөлдөр нэгэн сайхан уран бүтээлийг амилуулан хүргэсэн байдаг. Орчин үеийн шинжлэх ухаан, техник технологи болон Хятадын сонгодог гоо зүйг хослуулснаар сар шинийн концерт улам сонирхолтой болсон.
Ер нь бол Хятадын цоо шинэ дүр төрхийг харуулахын тулд дуу, бүжиг, дуурь зэргийг сонгох нь олон залуу уран бүтээлчдийн сонголт юм.
Тик Ток дээр нэгэн залуу өөрийнхөө "тайз" дээр алхсан 200 гаруй видеог байршуулсан байна. Энгийн тайзнаас ялгаатай нь түүний алхдаг тайз бол хөдөөгийн зам, зүлэг, гудамж зэрэг байлаа; Түүний өмсдөг хувцас ямар нэгэн брэнд биш, харин навчаар урласан далавч, толгойдоо зүүсэн сүрэл малгай, өнгө өнгийн торгон ороолт, хуванцар хүлэмжийн хар торон нөмрөг, эмээгийн нөмөрдөг хөнжил, маалинган халаасаар бүтээсэн дээл зэргээс бүрдэнэ.
Энэ бүтээлч залуу дөнгөж 20 гаруйхан настай. Жинхэнэ нэр нь Лу Кайган. Гуанси мужийн хөдөө тосгоны жирийн нэгэн залуу. Бага наснаасаа тэрээр загвар өмсөгч болохыг мөрөөддөг байсан боловч энэ мөрөөдөл нь биелээгүй байсан гэх. Тэрээр цоо шинэ олон нийтийн мэдээллийн хэрэгслийн платформын тусламжтайгаар өөрийгөө харуулах тайзыг олсон нь түүнийг ер бусын нэгэн болгосон байна. Зөвхөн Тик Ток дээр түүний дагасан үзэгчдийн тоо таван саяд хүрч, лайк дарсан хүмүүсийн тоо 60 саяас давжээ. Саяхан Лу Кайган урилгаар жинхэнэ тайзан дээр гарав.
Өнөөдөр түүний тайзан дээр алхсан видео бичлэг хилийн чанад дахь олон нийтийн мэдээллийн хэрэгслийн тавцан дээр тавигдаж, гадаадын олон цахим хэрэглэгчдэд таалагдаж байна. "Тэр топ моделийн салбарын дундаж түвшингээс хамаагүй өндөр", "Тэр Charles James-аас мундаг", "Түүний царай, нүд аль хэдийн топ моделийн түвшинд хүрсэн" гэх өндөр үнэлгээг цахим ертөнцөөс авсан байна.
Энэ бүхнийг зүгээр л загвар өмсөгч, зурагчнаас бүрдсэн хоёр хүний бүрэлдэхүүнтэй баг хийсэн байна.
Bilibili видео сүлжээ гэх залуу хүмүүсийг цуглуулсан энэхүү соёлын орон зайд уран бүтээлчдийг "UP Masters" гэж нэрлэдэг. Тэд хэдийгээр залуу ч гэсэн Хятадын соёлд онцгой дуртай. Хятадын соёлыг хэрхэн сайн үзүүлэх тал дээр өөрийн гэсэн өвөрмөц ойлголттой байдаг.
Францын гудамжинд нэгэн залуу үргэлж хүмүүсийн анхаарлыг татдаг. Жинхэнэ нэр нь Пэн Жичуань хэмээх энэ хятад оюутан хятад үндэстний хувцсаараа гангаран, гужэн хөгжмөөр олон сайхан аялгуу даран тоглож суудаг. Олон гадаадын үзэгчид гар утсаараа зураг авалт хийж түүний тоглолтыг интернэтэд байрлуулдаг. Мөн хятадын соёлыг ойлгохын тулд хүүхдүүдээ дагуулж ирдэг гадныхан ч цөөнгүй.
- Би Францад сурч байхдаа гудамжны зарим уран бүтээлчдийг гудамжинд тоглохыг олонтаа хардаг. Гэхдээ бид Хятадын хөгжмийн зэмсгийг ховор үздэг байсан. Хятад уран бүтээлчийг хэзээ ч харж байгаагүй. Тиймээс би Хятадын ардын хөгжмийн зэмсгийг туршиж үзмээр байна гэж Пэн Жиншуань ярьж байлаа.
Энэхүү шинэ хандлага үндэсний соёлыг гадны хүмүүст хүргэнэ. Зөвхөн bilibili видео сүлжээнд түүний видеонуудыг үзсэн хүний тоо 130 сая гаруйг давсан байна. Тик Ток дээр ч олон дагагчтай болжээ.
Хятадын соёлыг шинэлэг арга замаар түгээх
2020 оны хавар Хубэйд коронавирус маш хүнд болсон байв. Хубэйг дэмжих 42000 гаруй эмнэлгийн ажилтнуудын 12000 гаруй нь "90-ээд оныхон" бөгөөд тэдний нэлээд хэсэг нь "95 оныхон" ба "2000 оныхон" байлаа. Үхань хотод олон залуучууд амьдардаг. Тэдний бичсэн түүхүүд тоо томшгүй олон хүний сэтгэлд хүрсэн.
Цинхуа их сургуулийн Цинь-Ин студийн хэсэг оюутнууд богино видео платформ дээр Үханы цар тахлын үеэр тоо томшгүй олон хүмүүс газар дээрээс нь тухайн үеийн байдлыг хуваалцаж байгааг харжээ. Тэд цар тахлын хүнд хэцүү үед Үханьд авсан видеонуудыг хайж олох ажлыг зохион байгуулж, эцэст нь 77 хүний 112 богино видео бичлэгийг цуглуулсан байна. Бүтээгч бүртэй харилцаж, зөвшөөрөл авсны дараа тэд хандивын баримтат киног "Гар утсан дахь Үханы шинэ жил"-ийг бүтээв. Энэхүү 18 минутын богино хэмжээний баримтат кино нээлтээ хийсний дараа олны анхаарлын төвд орж, зөвхөн Weibo платформ дээр хандлагын тоо нь 140 саяд хүрсэн байна.
"Сайн байцгаана уу, намайг Ли Шечинь гэдэг..." Бээжингийн Их Сургуулийг төгссөн, 26 настай Ли Шечинь Тик Ток дээр ангийн найз нарынхаа өөр өөр амьдралын замыг харуулсан байдаг. Түүний богино хэмжээний видео дээрээс залуу үеийнхний амьдралын бодит мэдрэмж, ажлын дарамтаас хэрхэн чөлөөлөгдөж байгааг, амьдралын хэв маягийг судлах, аз жаргалтай мөчүүдээс сонирхох боломжтой. Нэр хүндтэй сургуулийн төгсөгч тэрээр энгийн бөгөөд орон нутгийн хэлний хэв маягтай, зүүн хойд нутгийн аялгуутай хослуулан мэдээ мэдээлэл хүргэдэг. Одоогийн байдлаар тэрээр Тик Ток дээр бараг 9.5 сая дагагчтай болоод байна.
Хятад улс гадаадын залуучуудын анхааралд ч солонгон өнгөтэй байдаг.
- Энэ бол Ли Шүйгийн цагаан будаа, уулын дэнж дээрх шатан тарианд загастай хамт 'өссөн', маш анхилуун үнэртэй, өвөрмөц гэж тосгоны жижиг голын дэргэд 32 настай орос залуу Деми Ри видео шууд нэвтрүүлгээр хэрэглэгчдэд хятад хэл дээр орон нутгийн хөдөө аж ахуйн тусгай бүтээгдэхүүнийг танилцуулаад тун ч завгүй байлаа.
Тэрээр өнгөрсөн оны 08-р сард Шанхай дахь Дунхуа Их Сургуульд бизнесийн менежментийн чиглэлээр докторантурт сурч байгаад Жэжян мужийн Ли Шүй хотын Сунян шяньд ирж олон жижиг тосгонууд маш уламжлалт амьдралын хэв маягтай, хөдөөгийн өвөрмөц дүр төрхтэй болохыг олж мэджээ. Тэрээр бүтээлч богино хэмжээний видео бичлэг хийх дуртай тул энд хэсэг хугацаанд үлдэхээр шийдсэн байна. Деми Ри хагас жил бололгүй богино хэмжээний видеонуудыг ашиглан хөдөөгийн амьдралыг харуулсан олон зуун бичлэг хийж цацан, үүний үр дүнд сая гаруй фенүүдтэй болж, арван сая гаруй лайк цуглуулж, алдартай видео блогчин болжээ.
2020 онд коронавирусын нөлөөнөөс болж орон нутгийн Хэнжанг тосгоны хөдөө аж ахуйн бүтээгдэхүүн борлуулагдах боломжгүй байсан тул Деми Ри видео акаунтаа ашиглан шууд дамжуулалтыг эхлүүлж, тосгоны оршин суугчдын орлогыг нэмэгдүүлэхэд нь туслав. Өнгөрсөн хэдэн сарын хугацаанд тэрээр 10000 кг жүрж, 4000 кг хатаасан амтат төмс, 300 кг зөгийн бал зарсан байна. Түүний хичээл зүтгэлийг тосгоныхон өндрөөр үнэлж байдаг.
Үүнтэй адил олон жишээ бий. Британий хөгжимчин Шо Энь нь Хятадын уламжлалт соёлд дуртай тул хятад хэв маяг, хятад үгтэй дуу бүтээжээ. Түүний дуунуудад тангийн яруу найраг, электрон хөгжим, бөмбөр, Хятадын уламжлалт хөгжмийн зэмсэг орж, Хятад, Барууныхныг хослуулсан байдаг. Америк улсын Анни гэгч иргэн өөртөө "Tang Bohu" гэдэг хятад нэр хайрлажээ. Тэрээр эртний олон дуу дуулж чаддаг, хятад хэлээр чөлөөтэй ярьдаг.
Зүрхэндээ их хайр тээдэг
Сармистай гахайн мах, сармисны иштэй хольсон гахайн мах, сармистай цагаан мах, сармистай тахианы хөл, лийрийн өндөгний ороомог, шарсан вандуй, цээнэ цэцгийн будааны бөмбөлөг, давсалсан өндөгний шар ба гахайн элэг зэрэг. Видео бичлэгээр дамжуулан хүнсний ногоо тариалж эхэлсний дараа эдгээр хоолыг хийх явцыг бичлэгээр олны хүртээл болгож дэлхийн өнцөг булан бүрээс үзэгчдийг татсан.
Хэрэв энэ хангалтгүй бол шууд нэвтрүүлгээр хатгамал хатгах, эсвэл шар буурцагны жан, буурцагны зуурмагийг эхнээс нь исгэж, эсвэл мод, хулс ашиглан саравч, дүүжин хүрээ хийх зэрэг сонирхолтой зүйлс үзүүлдэг.
Гадаадад олон нийтийн тавцан дээр Ли Зичи гэдэг нэрээр олны танил болж байгаа нэг охин байдаг. Түүний хилийн чанад дахь видео вэбсайтад байршуулсан нэвтрүүлэг дэлхийн өнцөг булан бүрт байгаа үзэгчдийн Хятадын соёлыг сонирхох сонирхлыг төрүүлжээ. Видео бүр нь хэдэн арван сая гаруй хандалттай. Дугаар бүрийн англи хэл дээрх сэтгэгдлийн тоо хэдэн арван мянгад хүрсэн байна.
2021 оны 02-р сарын 02-нд Гиннесийн дээд амжилтын номонд Ли Зичийг 14.1 сая YouTube-ийн захиалгаар "YouTube-ийн хятад хэлний нэвтрүүлгийн хамгийн их захиалагч"-ийн Гиннесийн дээд амжилтыг эвдлээ гэж зарлав. Олон хүн Ли Зичигийн алдар нэр түгсэн нь дэлхийн өнцөг булан бүрт Хятадын соёлыг сонирхож, хүлээн зөвшөөрч байгааг харуулж байна гэж үзэж байгаа юм.
Бээжингийн бүжгийн академийг төгссөн залуу уран бүтээлч Ма Жиаолун гадаадад очиж, Лондонгийн гудамжинд хятад бүжгийн ур чадвараа харуулдаг. Мэргэжлийн бүжигчин хүний хувьд түүний гайхалтай хөдөлгөөн нь Британий гудамжинд алхах хүмүүсийн сонирхлыг их татдаг байв. Гадаадын сониуч хүүхдүүдтэй уулзахдаа тэрээр өөрийн туршлагыг сайтар түгээдэг байв. Тэрээр үзэж сонирхсон гадаадынханд:
- Хэрэв та манай хятад бүжгийг үзэхийг хүсвэл театрт биднийг дэмжээд ир, гэрэл, хэрэгсэл, өмсгөл бүх зүйл бий. Та Хятадын соёлын гайхамшгийг мэдрэх болно гэж хэлдэг.
Хятадын соёл маш их алдартай бөгөөд хятадын технологи ч анхаарал татаж байна.
“Сайн уу багш аа, намайг Хэ сурагч гэдэг" гэсэн шалгалт хүмүүст Хятадын 5G сүлжээ ямар хурдан хөгжиж байгааг зөн совингоороо мэдрүүлсэн. Тэрээр бичлэг дээр 5G-ийн туршлагыг өдөр тутмын амьдралдаа голчлон харуулсан. Ийм хийсвэр сэдэвтэй нүүр тулсан тэрээр шинжлэх ухааны үндэслэлтэй агуу зарчмуудын тухай яриагүй, харин оронд нь хамгийн зөн совинтой зураг бүхий хүмүүст 5G хурдыг харуулахын тулд гар утас зээлсэн байна.
“Эрдэм шинжилгээний эрэл хайгуул, Антарктидын туйлд би байна, бүх улс орны ард түмэн санаа амар байгаарай!". Эрдэм шинжилгээний багийн гишүүн Антарктидын Жуншань өртөөнд таван одтой улаан далбаан дор энэ өгүүлбэрийг хашгирахад бүхэл бүтэн дэлгэц дээр "Хятадын Антарктидын эрдэм шинжилгээний багт хүндэтгэл дэвшүүлье!" гэж тэмдэглэсэн нь харагдана. 06-р сарын 21-ний зуны туйлын өдөр Антарктидад 200 гаруй хоног байрласан эрдэм шинжилгээний багийн гишүүд өөрсдийн амьд үлдэх туршлага, эрдэм шинжилгээний багийн Антарктидад өдөр тутмын амьдралаа дэлгэцээр дамжуулан ярьж өгөв.
Жирийн залуу ажилчид ч өөрийн гэсэн гайхалтай амьдралтай байдаг. Хэнань мужийн Синьян хотын залуу Рэнь Хайлүн Даляньд ажиллаж байхдаа ажлынхаа дараа гарын аяар видео бичлэг хийж:
- Би өдөрт 300 юань олно гэж найдаж байна. Хэрэв би энэ зорилгодоо хүрч чадвал би намайг өсгөж том болгосон авга ахаа дагуулан аялалд гарч, онгоц, хурдны төмөр зам, усан онгоцыг туршиж үзнэ гэж хэлсэн юм.
Энэхүү "Гэр бүлээ сайхан амьдруулахын тулд бүх хүчээ дайчилна" гэсэн маш энгийн хүсэл мөрөөдөл санаанд оромгүй хандалтаар Тик Ток дээр дамжуулагдсан нь маш олон залуусын тээж явдаг мөрөөдөл байсан юм. Одоогоор тэрээр сая гаруй дагагчтай болсон байна.
Нэгэн хэрэглэгч сэтгэгдэлдээ: "Та инээхдээ маш их эрч хүчийг мэдрүүлдэг. Хүмүүст дэлхий нийтээрээ шаргуу ажиллаж байгаа юм шиг сэтгэгдэл төрүүлдэг."
Энэ бол шинэ үеийн хятад залуусын инээмсэглэл юм. Мөн шинэ үеийн хятад залуусын ярьж байгаа, мөн маш хурдан өөрчлөгдөж буй хятадын түүх. Зөвхөн зүрхэндээ хайраар дүүрэн байж үүх түүхээ улам амт шимттэй ярих болно.
