Жэжян мужийн Лишүй хотын Жиннин Шэ үндэстний өөртөө засах шянь бол Хятадын цорын ганц Шэ үндэстний өөртөө засах шянь бөгөөд Хятадын зүүн хэсгийн цорын ганц үндэстний цөөнхийн өөртөө засах шянь юм. Тус шяний нийт хүн ам 172,200 орчим ба үүнд Шэ үндэстний хүн ам 19,900 орчим байж 11,5 хувийг эзэлж байна. Түүхэн тэмдэглэлээс үзэхэд Шэ үндэстэн нь Жиннинд нүүж ирсэн 1200 гаруй жилийн түүхтэй юм.

        Жиннин шяниас өмнө арав гаруй км зайд Чэнжао суурингийн Житүө тосгоны үүдэнд эртний барилга байдаг. Энэ бол Чин гүрний Бадаргуулалтын үед баригдсан Лэйпаны ордон юм. Мөн Лэй болон Пань хэмээх хоёр овгийн хэлэлцүүлгийн танхим гэдэг.

        Түүхээс харахад Хүөшань тосгоны Шэ үндэстний Лэй овогтон, Житүө тосгоны Хятад үндэстний Пань овогтон хамт энэ ордныг барьсан байна. Хоёр овгийн иргэд энд сахиус шүтэх тоглолт хийж, томоохон асуудлуудыг хэлэлцдэг байжээ. Лэйпань ордны саарал ханан дээр бичигдсэн "Жюнь Тянь Гуан Ей", "Ян Фэн Гү Я" хэмээх хоёр бичээс нь "Байгалийн дуу чимээг сонирхох", "Хөдөөний байгаль ахуйг магтан дуулах" гэсэн утгатай. Тэрээр Шэ үндэстэн болон Хятад үндэстний ард түмний хамтын дурсамжийг харуулж байгаа юм.

        Он жилүүд өнгөрөх тусам хуучин бүхэн түүх болдог. Өнөөдөр "хоёр овгийн хэлэлцээр" гэсэн хууч ярианы дагуу Шэ, Хятад хоёр үндэстний эв нэгдлийн шинэ тэмдэглэлийг Жиннин үргэлжлүүлэн бичсээр байна.

Лэй өвөөгийн тэмдэглэл

        Жиннин хотын Чэншян суурингийн Саньши тосгоныхон Лэй өвөөг сайн мэднэ.

    Лэй өвөөг Лэй Юйшүнь гэдэг. Саньши тосгонд нягтлан хийдэг. Тэрээр олон жилийн турш зөвхөн нягтлан бодох бүртгэлийн ажил хийсэн байна. Дансны дэвтэр нь энгийн биш бөгөөд үүнд тосгоны газар нутаг, үл хөдлөх хөрөнгө, ойн аж ахуй, санхүү, инженерчлэл гэх зэргийг цаг үетэй нь нарийн тэмдэглэж, бүгдийг нь гараар бичсэн байдаг.

    -Би тосгоны бүх зүйлийг мэддэг! гэж өөрийнхөө ажлын талаар ярихад далан нас хүрсэн түүний царайд инээмсэглэл тодорч, ярих үгийн аяс нь омог бахархалтай санагдана.

    Лэй Юйшүнь Жэжян мужийн үндэстний цөөнхийн багшийн сургуулийг 1961 онд төгссөн. Тэрээр Саньши тосгоны үйлдвэрийн багт нягтлан бодогчоор ажиллаж эхэлснээс хойш олон төрлийн нягтлан бодогчийн ажилтай нүүр тулан ажилласаар иржээ. 1974 онд Лэй Юйшүнийг Саньши тосгоны нягтлан бодогч, архивчаар томилов. Энэ жил Санши тосгон нь бүх шяньд хамгийн тэргүүнд Яньгуан тосгоны харилцааны системийг нэвтрүүлэх ажлыг эхлүүлсэн байна.

    Лэй өвөө үг яриа цөөтэй ч сэтгүүлчдэд нээлттэй яриа өрнүүлэв.

    Саньши тосгоны хүн амын 1/3 нь Шэ үндэстэн, шяний дотор цагаачдыг нүүлгэн шилжүүлэх гол газар болсны хувьд 1966 оноос хойш тус тосгон Шинь Аньжянгийн усан сан, Танькэнгийн усан сан болон ядуурлыг бууруулах төслийн 600 гаруй хүн хүлээн авчээ.

    -Шинэ нүүж ирсэн иргэдийн олонх нь хятад үндэстэн, үндэстний цөөнхийн хүмүүс бага тоог эзэлдэг. Үнэндээ ямар ч үндэстэн бай хамаагүй Саньши тосгонд ирэх юм бол нэг гэр бүл болдог. Шинээр нүүж ирсэн хүмүүсийн хувьд амьдрахад хэцүү л байсан, ууланд гарч төмс ухаж гэдсээ тэжээнэ. Тосгоны иргэд тэдний хуучин байшингуудыг нурааж, шинэ байшин барихад нь тусалдаг. Мөн бодлогын дагуу нүүлгэн шилжүүлэх татвар олгодог гэнэ гэж Лэй Юйшүнь ярьсан юм.

    Саньши тосгон хүн ам олон, ажилтнуудын бүрэлдэхүүн нарийн төвөгтэй. Хөрш зэргэлдээх хүмүүс асуудал үүсгэх нь гарцаагүй. Тэд асуудал тулгарах болгонд хятад үндэстэн ч бай, Шэ үндэстэн ч бай бүгдээрээ Лэй өвөөг дуудаж шийдвэрлэдэг. Тэр бол ухаалаг, ажилдаа шударга, тосгоныхон түүнийг "ойлгомжтой хүн" гэж магтдаг.

    Хоёр гэр бүл уулын маргаанаас болж асуудалд орсон. Энэ асуудлыг шийдвэрлэхийн тулд Лэй Юйшүнь 1992 оны тус тосгоны нийтийн уулын ойг айл өрхүүдэд хуваасан архивыг урвуулснаар тус хоёр гэр бүлийн газар орны зааг тодорхой болж эе эвтэй шийдвэрлэсэн байна.

    Сүүлийн жилүүдэд Саньши тосгон хамтын эдийн засгийг өргөжүүлэн хөгжүүлж байгаа бөгөөд хүн бүр ногдол ашиг хүртэх боломжтой болжээ. Лэй Юйшүнь нарийн тодорхой тэмдэглэл хийсээр байв.

    - Намайг тосгоны нягтлан бодогч болоход дансанд 206 юань л байсан. Одоо 2.17 сая юань байна. Ямар ч үндэстэн ч бай, хэзээ ирсэн нь хамаагүй Саньши тосгоны иргэн л бол халамжийн татвар авах боломжтой гэж Лэй Юйшүнь ярьлаа.

    Тосгоны мөнгөө хэрхэн ашиглах вэ? Жил бүрийн эхээр Лэй Юйшүнь "Хамтын эдийн засгийн үр ашгийг түгээх төлөвлөгөө" бичиж, дараа нь жилийн эцэст эцсийн дансаа бүртгэж, улирал тутамд тосгоны  санхүүгийн тайланг самбарт нийтэлж, тосгоны иргэдийн хяналтыг хүлээдэг.

    Саньши тосгоны иргэдийн хяналтын хорооны захирал Ү Жиншяо 2007 онд нүүж ирсэн иргэн. Тэрээр сэтгүүлчдэд Саньши тосгоны иргэдийн хяналтын хороонд хятад үндэстэн, Шэ үндэстэн ба нүүж ирсэн иргэдийн төлөөлөл ажилладаг. Тосгоны албан тушаалтнуудын өдөр тутмын ажил, тосгоны санхүүгийн байдалд хяналт тавих үүрэгтэй гэж сонирхууллаа.  

    - Тосгоны хорооны ерөнхий сонгуульд үндэстний цөөнх, цагаачдыг тосгоны боловсон хүчнээр сонгох ёстой. Бид хамтдаа сэтгэл нэгтэйгээр тосгоны хэргийг удирдах ажилд оролцдог. Иймээс манай тосгон илүү эв нэгдэлтэй байдаг гэж Саньши тосгонд арван хэдэн жил амьдарсан Ү-Жиншяо ярьсан юм.

    Лэй өвөө 40 гаруй жилийн хугацаанд арав гаруй зузаан дэвтэр тэмдэглэл хийсэн байна. Үзгээр нэгбүрчлэн бичсэн “данс” нь иргэдийн ардчилсан тогтоолоор тосгоны хэргийг ил болгосны дараа жилийн дансанд оруулдаг. Тус тэмдэглэлүүд Саньши тосгоны эрдэнэ болжээ.

    - Хүн бүр дүрмийг дагавал тосгон эв найртай байх болно гэж Лэй өвөө хэлж байлаа.

    1974 оноос хойш Саньши тосгонд эрүүгийн хэрэг үүсгээгүй. Тосгоны нэг ч боловсон хүчнийг санхүүгийн асуудлаар тосгоныхон буруутгасангүй. Шэ, хятад үндэстний олон түмэн, цагаачид, тосгоны уугуул иргэд эв найрамдалтай амьдарч, улсын ардчилал ба хууль дээдлэх жишээ үзүүлэх тосгон болж байна.

    Өнөөдөр Саньши тосгоны цогц архив нь компьютерын удирдлагын системийг нэвтрүүлсэн бөгөөд "үүлэн архив" ашиглах болсноор илүү тохиромжтой, хурдан болжээ. 2019 онд Лэй өвөө тэтгэвэртээ гарсан боловч тэр зүгээр л ажилгүй байж чадахгүй байв. Тэрээр архивын газарт ажиллаж буй залуучуудад ажил үүргээ гүйцэтгэхэд нь чиглүүлэхээс гадна, бас Саньши тосгоны "тосгоны түүх"-ийг бичсэн. Одоо 20 мянга гаруй үг бичээд байна.

    - Хэдэн арван жилийн турш тосгоны оршин суугчдын хоорондох зөрчилдөөн хэрхэн шийдэгдэж, эл үндэстнүүдийн ард түмэн хэрхэн зохицож, тосгоны хамтын аж ахуй хэрхэн хөгжиж байгааг тэмдэглэх ёстой. Энэ бол Саньши тосгоны тухай түүх юм гэж Лэй өвөө ярилаа.

Усан үзэм баяжих жимс болжээ

    Дүнкэн суурингийн Таоюань тосгоны жимсний гууны усан үзмийн хэсэгт тариаланч Лэй Личин завгүй ажиллана. Тэнд тайрах, услах, усан үзмийн мод арчлах гэх зэрэг тун олон ажил үргэлжилдэг.

    -Усан үзэм намрын улиралд хамгийн амттай байдаг. Энэ үеэр жуулчид бөөн бөөнөөрөө ирж, усан үзэм түүн, усан үзмийн цэцэрлэгүүд маш хөгжөөнтэй байдаг гэж нэгэн Шэ үндэстэн инээмсэглэн ярьсан юм.

     Одоогоос найм, есөн жилийн өмнө жимсний гуу нь хэн ч сонирхохгүй уулын гуу байсан юм. Голын хөвөөнд зэрлэг өвсөөр дүүрэн элстэй эрэг байв.

    - Хэрэв нарийн бичгийн дарга Ү-Шюэфэн удирдаагүй бол хэн энд усан үзэм тарих билээ? гэж Лэй Личин хэлж байлаа.

    Нарийн бичгийн дарга Ү-Шюэфэн бол Таоюань тосгонд амьдардаг хятад үндэстэн. Ү-Шюэфэн 1975 оноос хойш тосгоны кассчин, тосгоны хорооны захирал, тосгоны намын нарийн бичгийн дарга зэрэг албан тушаалуудаар ажилласан байна.

    1980, 1990-ээд онд Ү-Шюэфэн гадагш явж хүчний ажил хийж, янз бүрийн газарт төсөл гэрээ байгуулан ажиллаж, шинэчлэл, нээлттэй болсны дараа тосгоны анхны арван мянган юанийн өрх болжээ. 2011 онд Ү-Шюэфэн Таоюань тосгоны Намын нарийн бичгийн даргаар сонгогдлоо. Албан тушаалдаа ороод жил ч болоогүй байхдаа өөрийн халааснаасаа мөнгө гаргаж, тосгоны боловсон хүчин, тосгоны төлөөлөгчдийг зохион байгуулж өөр бүс нутгаар аялуулан суралцуулдаг байв.

   Ү-Шюэфэн юу хийхийг хүсэж байгаа вэ?

    -Таоюань тосгон бол уламжлалт Шэ үндэстний тосгон юм. Өмнө нь тосгоныхон нэг акр талбай бүхий газартаа будаа, хулс тариалдаг байсан. Эдийн засгийн үр ашиг тийм ч өндөр биш байв. Олон хүмүүс төрсөн нутгаа орхин ажил хийхээр явсан, тосгон ч хөгжиж чадахгүй гэж Лэй Личин ярилаа.

    Хөдөө орон нутгийг сэргээх түлхүүр нь аж үйлдвэрийг сэргээх явдал юм. Ү-Шюэфэн Таоюань тосгоныг хөгжүүлэх тохиромжтой аж үйлдвэр хайсаар байв. Тэр хэсэг хяналт судалгаа хийснийхээ дараа усан үзэм ургуулахыг зорьсон байна.

     "Өмнө бүс нутагт усан үзэм тариалахад тохиромжтой юу?" "Нэг акр усан үзмийн ойд 20 мянга гаруй юанийн ган төмрийн саравч шаардана. “Хэрэв та мөнгөө алдвал яах вэ?" "Усан үзэм тариалахад ур чадвар хэрэгтэй. Та үүнийг хэсэг хугацаанд сурч чадах уу?" гэх зэрэг янз бүрийн саналууд Ү-Шюэфэнд ирсээр байв.

    Ү-Шюэфэн усан үзэм тарихаар төлөвлөж байсан бол одоо хэрэгжүүлж эхэллээ. Тэрээр өөрөө түрүүлэн хөрөнгө оруулалт хийх ажлыг удирдаж, хэдэн акр усан үзмийн мод суулгаж, мөн санхүүгийн бэрхшээлтэй тулгарсан тосгоны хүмүүст мөнгө зээлүүлэн өгч усан үзэм тарихыг дэмжив.  

   -Хэрэв та усан үзэм тариад аж ахуйн үр ашиг олох юм бол миний мөнгийг төл, хэрэв та түүнийгээ алдвал миний мөнгийг төлөх хэрэггүй гэж хүмүүст “тайвшрал” өглөө.

    Лэй Личин ч усан үзэм тарилаа

    Ү-Шюэфэний дэмжлэгтэйгээр Лэй Личинг анх удаа мужийн Хөдөө аж ахуйн шинжлэх ухааны академид очиж усан үзэм тарих арга техник, бүтээгдэхүүнийг хэрхэн сонгох, хэрхэн зохицуулах, хортон шавьж, өвчнөөс хэрхэн урьдчилан сэргийлэх чиглэлээр суралцав. Тэрээр эдгээр ялимгүй шинэлэг шинэ мэдлэгийг тэмдэглэж авахыг хичээж, сайтар суралцжээ. Сургалтын дараа Лэй Личин усан үзэм тарих ажил рүү ханцуй шамлан орж, дахин дахин судалж байв.

    Хоёр дахь жилдээ тосгоны бүх иргэдийн анхаарлыг татсан "туршилтын тариа"-ны усан үзмийн мод жимслэв. Гурав дахь жилдээ усан үзмийн тариалангийн талбайн ургац хураалт сайн байж, олон хүн түүж, худалдан авсан. Өндөр үнэд хүрсэн усан үзэм тосгоны иргэдэд итгэл төрүүлсэн юм.

    - Нарийн бичгийн дарга л алсын хараатай гэж Лэй Лицин магтана. Түүнийг зорин ирж мод тарих техник асууж буй хүн маш олон байлаа.

   -Нарийн бичгийн дарга Ү-Шюэфэн хүн болгонд баяжих сайн замыг нээж өгсөн. Шэ үндэстэн ч бай, Хятад үндэстэн ч бай, биднийг зорин ирж асууж л байвал бид мэдэх чадах бүхнээ зааж өгнө гэж Лэй Линчин хэллээ.

    Олон жилийн турш гадуур тээврийн ажил хийсээр Лэй Личин гэр орондоо ирээд анх удаа яаралтай ажиллаж байгаа нь энэ. Өөрийн усан үзмийн тариалангийн талбайг өргөжүүлэх ажилд завгүй байсан бөгөөд усан үзэм тариалах хоршоог байгуулжээ. Тэрээр:

   -Шэ, хятад үндэстний хамтын хоршоо ихэвчлэн хамтдаа технологи солилцож, бие биеэсээ суралцдаг. Ингэх нь хурдан ахиц дэвшил гардаг гэж хэлж байлаа.

    Усан үзмийн хүрээлэн сайн ургац хураасан боловч Ү-Шюэфэнь өөрөө хийхгүй гэж тосгоны бусад иргэдэд зориулан үйл ажиллагаагаа үргэлжлүүлэв. 2015 онд тэрээр киви, лийр, улаан голтой лийр зэрэг олон төрлийн жимсийг тарих ажлыг хийх зорилгоор намын гишүүд, боловсон хүчнээ зохион байгуулав. Өнөөдөр Таоюань тосгоны жимсний баазын талбай 300 мү/1га=15мү/ хүрчээ. Үржил шимгүй уулын гуу нь жимсний гуу болж, жимсний гуу нь тосгоны иргэдийн "эрдэнийн гуу" болов.

    Одоогийн байдлаар Лэй Личиний усан үзмийн тариалангийн талбай 30 мү болон өргөжсөн. Үүнд 7 шилдэг төрлийг хамарч, жилийн орлого нь 200-300 мянган юань болсон. Усан үзмийн нахиалах улирлын үеэр Шэ, хятад тариаланчид усан үзмийн талбайд цугларч ойн менежментийн тухай ярилцдаг.

   - Хүн бүр сайн усан үзэм ургуулах юм бол Таоюан тосгоны брэнд хөл улаа олж оршин тогтнож чадна гэж Лэй Личин хэлж байна.

Шэ дууг дуулах тусам улам уянгатай

    Жинниний Гэши гудамжны Шуан Хүөган тосгонд “Тянь Лайжү” нэртэй иргэдийн орон сууц байдаг. Энэ бол улсын Биет бус соёлын өвийн Шэ ардын дууны өвлөгч Лань Чэньчи гэдэг хүний гэр юм.

    Лань Чэньчи бол Жиннин шяний нэрт хүн. “Шэ үндэстний дууны аварга” гэгддэг. 80 насыг давсан ч мөн Шэ үндэстний дуугаа дуулсаар байна. Тэрээр Жиннинийг төлөөлөн Бээжин зэрэг хотуудад Шэ үндэстний соёлыг дэлгэн үзүүлж харуулдаг. Гадаадад соёлын солилцоо ч олонтаа хийж явсан нэгэн.

    Сүүлийн жилүүдэд Лань Чэньчи цагийн байдалд хандуулан өөрийн хашаандаа "Лань ээж” студи байгуулжээ. Олон газар орноос Шэ үндэстний дууг дуулж сурахаар түүнийг зорин ирдэг хүн маш олон байдаг.

    - Миний гарын шавь маш олон байна гэж тэрээр сэтгүүлчдэд ярьж байлаа. Их яриа хөөрөө сайтай, Шэ хэлээр ярьдаг учраас түүний ач бэр нь орчуулж өглөө.

    - Одоо цагт ийм олон хүн Шэ үндэстний дууг сурах дуртай, дуулах дуртай гэж үнэхээр бодож байсангүй. Миний хамгийн отгон гарын шавь дөнгөж 3, 4 настай. Бас бусад газар орноос сурахаар ирж буй залуучууд ч бий. Тэд Шэ үндэстэн биш, Шэ хэлээр ч ярьдаггүй. Гэхдээ тэд Шэ үндэстний дууг дуулах маш их сонирхолтой гэж Лань Чэньчи баяртай ярив.

    Муж, улс алслан Лань ээжийн студийг зорин ирж буй хүн нэмэгдсээр байна. Шэ үндэстний дуу нь Шуан Хүөган тосгоны хөх уулс ногоон усыг цуурайтуулна.

    - Гурван өдөр гурван шөнө дуулаад ч дуусахгүй гэж Лань Чэньчи ярьлаа.

    Өнөөдөр Лан Чэньчи шинэ ажилтай боллоо. Тэрээр Шэ үндэстнийхээ уламжлалт хувцсыг өмсөж, ойролцоох сургууль, өсвөр насны хүүхдүүдийн ордонд хүүхдүүдэд ардын дуу дуулахыг заана.

    - Намайг сургууль дээр ирэнгүүт хүүхдүүд "Эмээ ирлээ” гээд над руу гүйдэг гэж бахархан ярина. Сургуулийн тухай ярих юм бол Лан Чэньчи инээмсэглээд амаа ч хамхиж чадахгүй баярлана.

    Жинниний үндэстний өсвөр хүүхдийн ордны том танхимд Лан Чэньчигийн оролцоотой хар тамхины эсрэг суртал ухуулгын бичлэг гэрч байлаа. Бичлэг дээр Лань Чэньчи болон нэгэн жаахан хүүхэд Шэ үндэстний хувцас өмсөөд хамтдаа хар тамхины эсрэг уриа лоозонг Шэ үндэстний дуу болгон бүтээж дуулсан байна.

    Өсвөр насны хүүхдийн ордны захирал Мэй Хүйхун сэтгүүлчдэд өгсөн ярилцлагадаа:

    -Бид Лан Чэньчи зэрэг биет бус өв залгамжлагч нарыг урин хүүхдүүдэд хичээл заадаг. Нийт үндэстнүүдийн хүүхдүүд Шэ үндэстний уламжлалт соёлыг мэдэх, ойлголтыг гүнзгийрүүлэх зорилгоор бид цуврал арга хэмжээ зохион байгуулсан. Жишээлбэл, "Шэ үндэстэн ба хятад үндэстэн гар гараасаа хөтлөлцөж, хамтдаа аз жаргалтай хамтдаа өсөн бойжих" хөтөлбөрөөр дамжуулан Шэ үндэстний хүүхдүүд Шанхай болон бусад газруудад хүрч харилцан суралцах боломжтой болсон. Сургууль нь жил бүр Шэ үндэстний дууны тэмцээн зохион байгуулж, маш олон хятад сурагчид оролцдог гэж сонирхууллаа.

    -Нэгэн арга хэмжээнд нэгэн хятад үндэстэн хүүхэд "Намдаа зориулж Жишань дууг дуулъя" нэртэй дууг Шэ хэлээр дуулж, үзэгчдийн хүрээллийг олсон тэр удааг би үргэлж санаж явдаг гэж Мэй Хүйхун ярьсан юм.

    Өсвөр насны хүүхдүүд ид амьдрал, өртгийн үзэл бодлыг нь төлөвшүүлэх чухал үе шатандаа байна. Үндэсний эв нэгдлийн боловсролыг тэдний цусанд шингээж, тэдний амьдрал, өртгийн тухай үзэл бодлын нэг хэсэг болгох ёстой гэж Мэй Хүйхүн хэлэв.

    Ярилцлагын үеэр Лан Чэньчи сэтгүүлчидтэй "03-р сарын 03" тоглолтод оролцсон туршлагаа ярилцлаа. Билгийн тооллын гуравдугаар сарын гурав дахь өдөр нь Шэ үндэстний уламжлалт баярын өдөр юм. Жиннин жил бүрийн энэ өдөр том үдэшлэг зохион байгуулж, өвөг дээдсээ дээдлэн, дуулж бүжиглэн хөгжилтэй тэмдэглэдэг.

    Өнөөдөр "03-р сарын 03" нь Шэ болон Хятад үндэстнүүдийн нийтээр тэмдэглэдэг баяр болжээ. "Бид 03-р сарын 03-нд хамтдаа тоглолт хийдэг байсан" гэж Лан Чэньчи түүнтэй хамт явж байсан Хятад үндэстэн болох нэгэн хүний гараас атган догдолж хэлэв.

    Шэ, Хятад үндэстний хүмүүс гар гараасаа хөтөлснөөр Шэ дуу Жиннинд улам бүр орон зайгаа тэлсээр байна.

Зураг①: Жинниний уламжлалт Шэ үндэстний гэрлэлтийн зан заншлын тоглолт

Зураг②: Жиннин шяний нэгэн хүүхэд уран бичлэг бичнэ

 Зургийг: ЛИ СҮРЭНЬ     Ардын сүлжээ

Зураг③: Жиннингийн үзэсгэлэнт тосгон

 Зургийг: ЛИ СҮРЭНЬ     Ардын сүлжээ

Зураг④:Таоюань тосгон дахь Шэ үндэстний уламжлалт хувцас загвараар гоёсон бүсгүйчүүд

Зураг⑤: Улсын биет бус соёлын өвийн Шэ үндэстний ардын дууны өвлөгч Лань Чэньчигээс Шэ үндэстний гар урлалын бүтээгдэхүүнийг дэлгэн харуулна

Тус хуудас дахь гарын үсэг зурахаас бусад зургийг Жиннин шяний намын хорооны суртал ухуулгын газар бэлтгэв