ХКН-ын XIX сонгуулийн төв хорооны VI бүгд хурал 11-р сарын 08-наас 11-ний өдрүүдэд Бээжинд боллоо. Сүүлийн өдрүүдэд олон улсын олон нийт ХКН-ын XIX сонгуулийн төв хорооны VI бүгд хуралд дээд хэмжээгээр анхаарал хандуулж, тус хурал чухал ач холбогдолтой гэж үзэн түүхийн чухал мөчид Хятадын хөгжлийн зүг чигийг тогтоож, ХКН-ын 100 жилийн тэмцлийн томоохон амжилт болон түүхэн туршлага нь бусад орны болон улс төрийн намуудад чухал туршлага хангаж байгаа юм хэмээн үзэж байна. 

Лаосын Хувьсгалт намын төв хорооны улс төрийн товчооны гишүүн, гадаад хэргийн сайд Шарон Сай хэлэхдээ "ХКН-ын XIX сонгуулийн төв хорооны VI бүгд хурал нь ХКН-ын 100 жилийн ойн түүхт чухал цаг мөчид хуралдсан тул урьдахыг залгамжилж хойдохыг уламжлах, түүхийн чухал ач холбогдолтой юм" гэжээ.

БНСУ-ын Данкоок их сургуулийн улс төр дипломат харилцааны ухааны профессор хэлэхдээ "Ши Жиньпиний шинэ цаг эриний Хятадын онцлогтой социализмын үзэл санаа бий болсон нь өнөөгийн тасралтгүй хувьсан өөрчлөгдөж буй байдалд нийцэж, бүс ба зам, хүн төрөлхтний хувь заяаны хамтын цогцын санаачилга болон үзэл баримтлал нь Хятадын хөгжилд томоохон ач холбогдолтой төдийгүй, Хятад улс болон дэлхийн харилцааг цаашид нягтруулж, Хятад улс болон бусад улс хоорондын хамтын хөгжлийг ахиулах болно" гэжээ.

Германы Берлиний  Прус нийгэмлэгийн хүндэт дарга Фолькер Чапук  хэлэхдээ "ХКН-ын XIX сонгуулийн төв хорооны VI бүгд хурал нь чухал ач холбогдолтой юм. Түүний үр бүтээл нь Хятад улс болон Хятадын нийгмийн хөгжилд өнө үүрдийн хөдөлгөх хүч сэлбэж, дэлхийн хөгжилд ч идэвхтэй үр нөлөө үзүүлэх болно" гэжээ.