"13-р таван жил"-ийн хугацаанд Өвөр Монголын эдийн засгийн хөгжлийн үндэс суурь улам тогтвортой болсон. Бүс нутгийн ДНБ жилд дунджаар 4.3 хувиар өсч, бүс нутгийн нэг хүнд ногдох ДНБ 10 мянган ам.доллар давж, байнгын оршин суугчдын хотжилтын түвшин 64.1хувьд  хүрэв. Эрчим хүч, стратегийн нөөц баазыг сайжруулж, нүүрсний үйлдвэрлэлийн хүчин чадал, экспортын хэмжээ, эрчим хүч үйлдвэрлэх хэмжээ, экспортын эрчим хүч зэрэг үзүүлэлтээрээ улсдаа нэгдүгээрт орж, сэргээгдэх эрчим хүчний суурилагдсан хүчин чадал 36.1 хувьд хүрч, газрын ховор элементийн орон нутгийн хөрвүүлэлтийн хувь хэмжээ 75 хувьд хүрсэн. Газрын ховор функциональ материал болон эцсийн хэрэглээний бүтээгдэхүүний эзлэх хувь 53,6 хувьд  хүрсэн байна. Газар тариалан, мал аж ахуйн гаралтай бүтээгдэхүүний үйлдвэрлэлийн баазыг улам бэхжүүлж, үр тариа, мал аж ахуйн үйлдвэрлэл тасралтгүй тогтвортой байж, газар тариалан, мал аж ахуйн гаралтай бүтээгдэхүүний боловсруулалт 65 хувьд хүрч, 100 тэрбумын тэргүүлэгч 2 үйлдвэр, арван тэрбумын тэргүүлэгч газар тариалан, мал аж ахуйн үйлдвэрийг бүрдүүлсэн.  Дижитал эдийн засаг, үзэсгэлэнгийн эдийн засаг, бизнесийн логистик, орчин үеийн санхүү  зэрэг салбар хурдтай  хөгжсөн байна.
     ӨМӨЗО "14-р таван жил"-ийн хугацаанд бүс нутаг, салбар, үйлдвэрлэл бүрт хөгжлийн шинэ үзэл баримтлалыг хэрэгжүүлж, экологи, ногоон хөгжилд чиглэсэн өндөр чанартай хөгжлийн шинэ замыг гуйвшгүй мөрдөж, өөрчлөлтийг ахиулахын зэрэгцээ аж үйлдвэрийн бүтцийг тохируулах. Улмаар оновчтой болгох, нөөцөд суурилсан үйлдвэрлэлийн сүлжээг өргөтгөх, инновацид тулгуурласан хөгжил, эрчим хүч хэмнэх, ялгаралтыг бууруулах, чанарын өөрчлөлтийг хурдасгах шинэчлэл, нээлттэй байдлыг иж бүрэн гүнзгийрүүлэхтэй хослуулан, үр ашгийн өөрчлөлт, илүү өндөр чанар, илүү үр ашигтай, шударга, илүү тогтвортой, аюулгүй хөгжлийг дэмжсэн байна.