ӨМӨЗО-ны Намын XI их хурлын тайланд дижитал үйлдвэржилт, үйлдвэрлэлийн дижиталчлалын хурдыг хурдасгах ажлыг эрчимжүүлж, дижитал эдийн засгийг илүү хүчирхэг болгон хөгжүүлэх хэрэгтэй гэж зөвлөж байна. Үүнтэй холбогдуулан Улаанцав хотын төлөөлөгчдийн багийн төлөөлөгч Ч.Далантай:

- Сүүлийн жилүүдэд Улаанцав хот Хятадын хойд бүс нутгийн том дата төвийг бүтээн байгуулах талаар бүхий л хүчин чармайлтаа гаргаж байна. Улаанцав хүйтэн цаг агаартай, цахилгааны үнэ таатай байдаг учир том дата салбарыг хөгжүүлэхэд өвөрмөц давуу талтай ажээ. Сүүлийн жилүүдэд бид том дата салбарыг бүс нутгаа хөгжүүлэх таван том салбарын нэг гэж үзэж, дата төв, аутсорсинг үйлчилгээ зэргийг хөгжүүлэхийг шаардаж, мөн Алибаба, Apple, Huawei зэрэг аж ахуйн нэгжүүдийн 13 дата төвийг амжилттай нэвтрүүлж, төслийн серверийн багтаамж 2 сая нэгжээс давж, хөрөнгө оруулалтын хэмжээ 42 тэрбум юаньд хүрчээ. Санхүү, даатгал, мэдээлэл боловсруулах зэрэг 11 салбарыг хамарсан 10,000 хүний суудалтай 15 үйлчилгээний аутсорсингийн компанитай хамтын ажиллагааны гэрээнд гарын үсэг зурсан байна гэж илэрхийллээ. Мөн тэрээр: 

- Ирээдүйд бид том дата салбарын хөгжилд суурилан үүнд холбогдох салбарын хөгжлийг ахиулж,блокчэйн, хиймэл оюун ухаан зэрэг шинээр гарч ирж буй салбаруудыг хөгжүүлж, үйлдвэрлэлийн дижиталчлал, 5G технологийн хэрэглээг өргөжүүлэх, ухаалаг хот байгуулалт зэрэг гурван үндсэн том ажилд илүү анхаарлаа хандуулах болно гэж ирээдүйн ажлын тухай танилцуулсан байлаа.