ХКН-ын Төв Хорооны Суртал ухуулгын хэлтэс Хятадын Коммунист Намын Түүхийн үзэсгэлэнгийн танхимд "Шинэ аян шинэ амжилт" сэдэвт томоохон сурвалжилгын арга хэмжээний нээлтийн ёслол 02-р сарын 17-нд боллоо. ХКН-ын Төв Хорооны Улс төрийн товчооны гишүүн, Төв Хорооны Суртал ухуулгын газрын дарга Хуан Күньмин оролцон үг хэлжээ.

Тэрээр хэлсэн үгэндээ "Мэдээний фронт цаг үеийн үүрэг хариуцлагаа санаж, эрхэм зорилгоо чангатгаж, шинэ эриний Хятадын онцлогтой социализмын тухай Ши Жиньпиний үзэл санааг сурталчлах, тайлбарлах ажилд анхаарлаа хандуулж, шинэ эриний агуу ололт амжилтыг харуулах хэрэгтэй" гэж онцлон тэмдэглэв.

    Хуан Күньмин "Намын ХХ их хурлыг угтаж, сурталчлан, хэрэгжүүлэх нь энэ жилийн турших улс төрийн томоохон ажил юм. Сэтгүүлчид улс төрийн хариуцлагаа ухамсарлаж, шинэ эриний түүхэн үсрэлтийг бахархалтайгаар бичиж, агуу ард түмний тэмцлийг урам зоригтойгоор магтан дуулж, гайхамшигт үйлсийг өгүүлэх ёстой. Сурвалжилгуудаар дамжуулан өөрчлөлтийн арга туршлага, ололт амжилт, ахиц дэвшлийг цогцоор нь харуулах хэрэгтэй. Шинэ эриний ололт амжилт, Хятадын ард түмний хөдөлмөр зүтгэлийг бүрэн харуулж, Хятад улсыг үнэн зөв, цогцоор нь сурталчлах хэрэгтэй" гэжээ.