2022 оны Хятадын “Хоёр чуулган” удахгүй болно. Цар тахал үргэлжилж, дэлхийн эдийн засгийн сэргэлт тодорхойгүй зүйлээр дүүрэн, олон улсын байдал ээдрээтэй, гүн гүнзгий өөрчлөлтөд орж байгаа чухал мөчид дэлхий нийт Хятадын "Хоёр чуулган"-д хүлээлт дүүрэн байна.

Хятадын Коммунист Нам ард түмнээр төв болгох хөгжлийн санааг баримталж, өндөр чанартай хөгжлийг ард түмний сайн сайхан амьдралын хэрэгцээг хангахтай нягт уялдуулсан улс орныг удирдах үзэл баримтлал, удирдах стратегийг дэлхий нийтээр хүлээн зөвшөөрдөг. Олон орны мэргэжилтэн, эрдэмтэд “Хоёр чуулган”-ы чухал цонхоор дамжуулан Хятадын бодлогын чиг хандлага, засаглалын арга барилыг цаашид ойлгож, Хятадын мэргэн ухаан, Хятадын шийдлээс суралцан дэлхийн засаглалыг сайжруулахад тус дэм болно гэж найдаж байна.

Дэлхий нийтийн анхаарал хандуулж буй асуудлын нэг нь: Бүх үйл явц дахь ардын ардчилал

Ардчилал бол бүх хүн төрөлхтний нийтлэг үнэт зүйл бөгөөд энэ нь Хятадын Коммунист Нам, Хятадын ард түмний үргэлж баримталж ирсэн чухал үзэл баримтлал юм.

Ардчилал бол гоёл чимэглэл биш, гоёл чимэглэлийн зориулалтаар ашигладаггүй, харин ард түмний шийдэх ёстой асуудлыг шийдвэрлэхэд ашигладаг. ХКН-ын XVIII их хурлаас хойш Хятадын Коммунист Нам нь ардчилсан улс төрийн хөгжлийн хуулийн талаарх ойлголтоо гүнзгийрүүлж, бүх үйл явц дахь ардын ардчиллын гол үзэл баримтлалыг дэвшүүлэв. “Хоёр чуулган” нь Олон Улсын хамтын нийгэмлэгээс Хятад улс нь ард түмнээр төв болгосон бүх явц дахь ардын ардчиллын практикийг бүхэлд нь ажиглах чухал цонх болсон юм.

АНУ-ын Бард коллежийн ахлах судлаач Пэн Рүнниань хэлэхдээ "Ардчилал нь хүнээр төв болгосон байх ёстой, Хятадын “Хоёр чуулган” бол үүний нэг жишээ юм" гэжээ.

БНХАУ-ын бүх явц дахь ардын ардчилал нь дэлхийн улс төрийн практикт үнэтэй туршлага хуримтлуулсан. Пакистаны Азийн экологийн соёл иргэншил, хөгжлийн судлалын хүрээлэнгийн гүйцэтгэх захирал Шакир Ламай хэлэхдээ "БНХАУ-ын Бүх Хятадын Ардын Төлөөлөгчдийн Их Хурлын төлөөлөгчид ба Хятадын Ардын Улс Төрийн Зөвлөлдөх Зөвлөлийн гишүүд нь Хятадын өнцөг булан бүрээс ирсэн нийгмийн бүхий л давхаргын төлөөлөл байдаг. Тэд яагаад төлөөлөгч, гишүүн болж чадаж байгаагийн шалтгаан нь эд хөрөнгө, албан тушаалын хувьд бус, харин маш сайн зан чанар, авъяас чадварт нь суурилдаг" гэжээ.

Парисын VIII их сургуулийн хүндэт профессор Тони Андреани хэлэхдээ "Хятадын ардчилсан тогтолцоо барууны орнуудаас давуу талтай, барууны орнууд Хятадын ардын ардчиллын бүхий л үйл явцыг бодитойгоор ойлгох ёстой гэжээ. Хятадад төв болон орон нутгийн түвшинд шийдвэр гаргахын өмнө болон шийдвэр гаргах явцад өргөн хүрээтэй зөвлөлддөг гэдгийг тэрээр онцолжээ. Барууны улс төр судлаачид Хятадад зөвлөлдөх ардчиллын ач холбогдлыг ихэвчлэн анзаардаггүй.

Аливаа ардчилал эрх мэдэл гэхээсээ илүү мэргэн ухаан, практикаар асуудлыг шийдэж чаддаг бол хамгийн шилдэг ардчиллын нэг юм. Тайландын Үндэсний хүрээлэнгийн Тайланд Хятадын стратегийн судалгааны төвийн захирал Сураси Танатханг хэлэхдээ, Улс орон бүр өөрийн орны нөхцөлд тохирсон ардчиллыг хөгжүүлэх ёстой" гэжээ.

Дэлхий нийтийн анхаарал хандуулж буй асуудлын хоёр дахь нь: Цар тахлаас урьдчилан сэргийлэх, хянах ба олон улсын хамтын ажиллагаа

2021 оноос хойш Дельта, Омикрон зэрэг шинээр гарч ирж буй коронавирусний хувилбарууд дэлхийг нөлөөлж, олон оронд цар тахлын халдвар авсаар байна. Хятад улс  цар тахал өвчнөөс урьдчилан сэргийлэх, тэмцэх асар их дарамттай тулгарч, "ард түмэн, амь нас чухал" гэсэн үзэл баримтлалыг хэрэгжүүлж, халдвараас урьдчилан сэргийлэх, эмчлэх хүчин чадлаа тасралтгүй сайжруулсаар ирсэн. Энэ жилийн “Хоёр чуулган”-ны үеэр Хятад улс нь “гадаадаас халдвар орж ирэх, дотоодод дахин дэгдэхээс урьдчилан сэргийлэх” ерөнхий стратегийн удирдлага дор халдварт өвчнөөс урьдчилан сэргийлэх, хянах талаар олон улстай хамтын ажиллагаагаа бэхжүүлэх талаар ямар шинэ мэдээллийг хүргэхийг олон улсын хамтын нийгэмлэг ихэд анхаарч байна.

Хятадын халдварт өвчнөөс урьдчилан сэргийлэх, хянах ажил маш амжилттай болсон нь тодорхой юм." Японы эдийн засагчид болон Жүнчин нар "Хятад улс үндэстний нөхцөл байдалтайгаа уялдуулан цар тахлаас урьдчилан сэргийлэх хатуу арга хэмжээ авсны хүчинд уг өвчний тархалтыг амжилттай зогсоож чадсан. Энэ нь Хятадад төдийгүй дэлхийн хэмжээнд маш чухал юм" гэжээ.

Коронавирусний халдварын эсрэг "ардын дайн"-д Хятад улс шинжлэх ухаанч бодлогоо баримталж, өөрийн ард түмний эрүүл мэндийн тогтолцоог тасралтгүй сайжруулж, зөвхөн ард түмнийхээ амь насыг хамгаалаад зогсохгүй "дэлхийгээрээ нэг гэр бүл" гэсэн сэтгэлгээний дагуу "COVID-19"-ийн вакциныг дэлхий нийтийг сайн сайхан болгох амлалтыг чин сэтгэлээсээ биелүүлж, дэлхий нийтийг тахлын эсрэг тэмцэхэд бодитой хувь нэмэр оруулж, хүний ​​эрүүл мэндийн төлөөх хамтын ирээдүйтэй хувь заяаны хамтын цогцыг байгуулахад бодитой хувь нэмэр оруулсан байна.

"Хятад улс олон улсад цар тахлын халдвартай тэмцэхэд янз бүрийн арга хэрэгслээр тусалж, дэлхийн хэмжээнд цар тахлын эсрэг хяналт тавьж, эдийн засгийн сэргэлтийг ахиулахад хувь нэмрээ оруулж, томоохон орны үүрэг хариуцлагаа харууллаа.

Индонезийн Азийн инновацын судалгааны дарга, Индонезийн АСЕАН-ы Наньян сангийн дарга Бамбанг Сурёоно хэлэхдээ "Хятад улс ба хөгжиж буй зарим Хятадын аж ахуйн нэгжтэй хамтран вакцин үйлдвэрлэж, хамтран ажиллаж, вакцин үйлдвэрлэх технологийг эдгээр улсад шилжүүлсэн нь эдгээр орны цар тахлын эсрэг чадавхыг дээшлүүлсэн байна" гэжээ.

Кенийн олон улсын судлаач Кавенс Адхилл хэлэхдээ "Цар тахлын халдвараас урьдчилан сэргийлэх, тэмцэх нь олон улс орны өмнө тулгараад байгаа хүнд сорилт хэвээр байгаа бөгөөд Хятад улс энэ онд цар тахлын эсрэг олон улсын хамтын ажиллагааг хэрхэн хэрэгжүүлэх нь анхаарал татаж байна" гэжээ.

Дэлхий нийтийн анхаарал хандуулж буй асуудлын гурав дахь нь: Эдийн засгийн хөгжил ба гадаадад нээлттэй байх

Хүн төрөлхтний хөгжлийн өнөөгийн шинэ асуудал, сорилтод Хятад улс ард түмнээр төв болгох хөгжлийн санааг баримталж, халдварт өвчнөөс урьдчилан сэргийлэх, хянах ба эдийн засаг, нийгмийн хөгжлийг уялдуулан ахиулж, хямралын дунд шинэ боломжуудыг нээж, өөрчлөгдөж буй нөхцөл байдалд шинэ боломжуудыг эхлүүлнэ. 2020 онд сэргэлтээрээ тэргүүлж, эерэг өсөлтөд хүрсэн Хятадын эдийн засаг 2021 онд 8.1 хувиар өсч, дэлхийн эдийн засгийн өсөлтөд 25 хувиар хувь нэмэр оруулав. Хятад улс дэлхийн эдийн засгийн өсөлтийн тэргүүлэгч “найдвартай толгойлогч”-ийн нэг болсныг баримт нотолж байна.

Хятадын хөгжил бол хэдхэн олигархуудын эрх ашгийг хангах биш, харин орлогоо зөв замаар, иргэн бүрийн эрх ашгийн төлөө зохистой, тэнцвэртэй хуваарилах явдал юм.

Беларусийн Стратегийн судалгааны хүрээлэнгийн шинжээч Алексей Авдонин хэлэхдээ "Хятадын "Хоёр чуулган"-ы нийтэлсэн шийдвэр, дохио нь Хятадын онцлогтой хөгжлийн замын шинэ ололт амжилтыг дэлхий нийтэд харуулна гэж үзэж байна.

Грекийн олон улсын харилцааны эрдэмтэн Пелагиа Капачиотаки хэлэхдээ, Хятад улс дэлхийн эдийн засгийг сэргээхэд туйлын чухал үүрэг гүйцэтгэсэн. Хятад улс бол олон улсын систем, дэлхийн эдийн засгийн чухал тулгуур багана бөгөөд удахгүй болох Хятадын “Хоёр чуулган”-аас гаргасан шийдвэр нь дэлхийн ирээдүйн хөгжилд маш их нөлөө үзүүлэх болно" гэжээ.

Өнгөрсөн жилээс хойш Хятад улс гадаадад нээлтээ улам өргөжүүлж, дэлхийн олон орны компаниуд Хятадын зах зээлд нэвтэрч, энэ нь Хятадын хөгжлийн ногдол ашгийг хүртэх өргөн хүрээний платформыг бүрдүүлж байна. Хэрэглэгчийн яармаг, үйлчилгээний худалдааны яармаг, Хятадын импорт экспортын яармаг, Хятадын олон улсын импортын яармаг зэрэг олон улсын цуврал арга хэмжээнүүд хуваарийн дагуу зохион байгуулагдаж, Хятад улсад "нээлтийн хүрээгээ улам л тэлэх болно" гэсэн хатуу дохиог дэлхий нийтэд харуулав. Олон улс орон Хятадтай хөгжлийн ногдол ашгаа хуваалцахын зэрэгцээ дэлхийн эдийн засгийн удирдлагын талаарх Хятадын мэргэн ухааныг хуваалцана гэж найдаж байна.

Хятад улс гадаадад нээлттэй байх бодлогыг баримталж, ингэснээр Орос зэрэг олон улс орны бүтээгдэхүүн Хятадын зах зээлд гарах боломж нээгдэж байна. ОХУ-ын Москвагийн Улсын Их Сургуулийн Ази, Африк судлалын сургуулийн дарга Алексей Маслов энэ оны “Хоёр чуулган”-ы эдийн засгийн асуудалд ихээхэн анхаарал хандуулж байна. Тэрээр хэлэхдээ "Хятад улс дотоодын эргэлтээр гол болгож, дотоод болон олон улсын хос эргэлтийн бие биенээ ахиулах шинэ хөгжлийн хэв маягийг бий болгож байгаа нь олон улсын түншүүдийг татах болно" гэжээ.

Дэлхий нийтийн анхаарал хандуулж буй асуудлын дөрөв дэх нь: Ногоон өөрчлөлт ба тогтвортой хөгжил

Экологийн соёл иргэншлийн бүтээн байгуулалт бол Хятадын үндэстнүүдийн тогтвортой хөгжлийн үндсэн төлөвлөгөө юм. "Арван дөрөвдүгээр таван жил"-ийн хугацаанд, Хятадын экологийн соёл иргэншлийн бүтээн байгуулалт нь нүүрсхүчлийн хийг бууруулахыг стратегийн гол чиглэл болж, бохирдлыг бууруулах, нүүрсхүчлийн хийг бууруулах хамтын ажиллагааг ахиулж, эдийн засаг, нийгмийн хөгжлийн иж бүрэн ногоон өөрчлөлтийг сурталчилж, экологийн орчны чанарыг сайжруулах нь тоон үзүүлэлтээс чанарын хувьд өөрчлөгдсөн чухал цаг үе рүү орлоо. Хятад улс экологийн тэргүүлэх чиглэл, ногоон болон нүүрстөрөгчийн хий багатай хөгжлийн замаар хэрхэн үргэлжлүүлэн орох нь олон улсын хамтын нийгэмлэгийн анхаарлын төвд байгаа сэдэв юм.

Аж үйлдвэржилт, хотжилт гүнзгийрч, эрчим хүчний хэрэгцээ тасралтгүй нэмэгдэж байгаа бодит байдалтай тулгарч буй Хятад улс бодит байдлаас үндэслэн, улс орны бодит хөгжилд нийцсэн ба өргөн хүрээнд хүмүүсийн ойлгож, дэмжиж байгаа ногоон өөрчлөлтийн замыг эрэлхийлэхийг хичээж, эдийн засгийн хөгжилд ногоон өөрчлөлтийг ахиулж, ногоон өөрчлөлтөөр илүү их хөгжилд хүрэхийн тулд хичээн ажиллана.

Сүүлийн жилүүдэд Хятадын хөгжилд анхаарал хандуулсаар ирсэн Бразил Хятадын бизнес эрхлэгчдийн хорооны зохицуулагч Туллио Карриелло хэлэхдээ "Цэвэр эрчим хүчний хувьд Хятадын цахилгаан машин, нарны зай хураагуур зэрэг үйлдвэрүүд эрчимтэй хөгжиж байгаа нь Хятад улсын тогтвортой хөгжлийн замыг эрэлхийлэх хүчин чармайлтыг харуулж байна" гэжээ.

ОХУ-ын ШУА-ийн Алс Дорнодын судалгааны хүрээлэнгийн Хятадын нийгэм эдийн засгийн судалгааны төвийн ахлах судлаач Елена Коланина хэлэхдээ "Хятад улс эдийн засгийн бүтцийг оновчтой болгох, ногоон хөгжлийг биелүүлэх, тэр дундаа эрчим хүч хэмнэдэг үйлдвэрүүдийг өргөжүүлэх, эрчим хүчний үр ашгийг дээшлүүлэх, сэргээгдэх эрчим хүчийг хөгжүүлэх, хүлэмжийн хийн ялгарлыг бууруулах, уур амьсгалын өөрчлөлтийг шинжлэх ухааны үндэслэлтэйгээр шийдвэрлэх зэргийг багтаасан бодлого ба арга хэмжээг идэвхтэй авсан байна. Хятад улс байгалийн баялаг хэмнэж, байгальд ээлтэй нийгмийг бүтээн байгуулалтыг ахиулж, эдийн засгийн хөгжлийн чанарыг сайжруулахаар чармайж байгаа нь эдийн засаг, нийгмийн хөгжлийн иж бүрэн ногоон өөрчлөлтийг ахиулах гол түлхүүр юм" гэжээ.

Пакистан дахь Азийн Экологийн соёл иргэншил, хөгжлийн хүрээлэнгийн гүйцэтгэх захирал Ламай хэлэхдээ, Хятад улс ногоон өөрчлөлтийн талаар тууштай алхам хийж байгаа бөгөөд энэ жилийн “Хоёр чуулган”-аар боловсруулсан холбогдох бодлого нь дэлхий дахинд эерэгээр нөлөөлнө гэж үзэж байна.