ХКН-ын Төв хорооны ерөнхий нарийн бичгийн дарга, Хятад улсын тэргүүлэгч,  Төв хорооны Цэргийн комиссын дарга Ши Жиньпин 05-ны өдрийн үдээс хойш XIII сонгуулийн Бүх Хятадын Ардын Төлөөлөгчдийн Их Хурлын V чуулганы ӨМӨЗО-ы төлөөлөгчдийн хэлэлцүүлэгт оролцов.

Тэрээр хэлэхдээ "Үндэсний эв нэгдэл бол манай улсын бүх үндэстний ард түмний амь насны шугам, Хятадын үндэстнүүдийн хамтын цогцын ухамсар бол үндэсний эв нэгдлийн үндэс юм. Хятадын үндэстнүүдийн хамтын цогцын ухамсрыг бэхжүүлэх  энэхүү гол шугамыг тууштай атгаж, үндэстний эв нэгдэл, хөгжил дэвшлийн боловсролыг гүнзгийрүүлж, бүх үндэстний ард түмний жаргал зовлонгоо, алдар ичгүүрээ, амьдрал үхэл, хувь заяагаа хамтдаа хуваалцах нэгтгэх хамтын цогцын үзэл баримтлалыг чиглүүлж, Хятадын үндэстний хамтын цогцын үзэл суртлын үндсийг байнга бэхжүүлж, Хятадын үндэстний том гэр бүлд анар жимсний үр мэт нягт уялдаатай, агуу их эх орноо хамтдаа бүтээн байгуулж, хамтдаа сайн сайхан амьдралыг бүтээн байгуулж, эдийн засгийн тогтвортой, эрүүл орчин, улс ард энх тайван нийгмийн орчин, улс төрийн чигч орчинг хадгалж, бодитой үйл ажиллагаагаараа Хятадын Коммунист Намын 20 дугаар их хурлын амжилттай зохион байгуулагдахыг хүлээн авах болно" гэв.
ӨМӨЗО-ы төлөөлөгчид идэвхтэй хэлэлцүүлэг өрнүүлж, Жан Лэй, Гуо Янлин, Жя Рунан, Ван Шяохун, Фөн Янли, Жао Хүйжэ, Ши Юдүн  зэрэг 7 төлөөлөгч тус тус хөгжлийн шинэ үзэл баримтлалыг бүрэн, үнэн зөв, иж бүрэн хэрэгжүүлж, бэлчээрийн экологийн бүтээн байгуулалтыг бэхжүүлж, нүүрсний химийн үйлдвэр нь нүүрстөрөгчийн саармагжилтын оргилд хүрэхэд туслах, Хятадын үндэстнүүдийн хамтын цогцын ухамсрыг бэхжүүлэхийг сургууль эрхлэх, удирдах, сургах бүх үйл явцад оруулах, өндөр чанартай бүтээн байгуулалтад сансрын хүчний хувь нэмэр оруулах, хөдөө тосгоныг сэргээн хөгжүүлэх, үндэсний сүү, сүүн бүтээгдэхүүний үйлдвэрлэлийг сэргээх зэрэг асуудлаар илтгэл тавьжээ.