БНХАУ-ын дарга Ши Жиньпин 02-р сарын 24-ны өдөр сноуборд цанын харайлтын салбарын Хятадын тамирчин Сү Иминд хариу захидал илгээв. Сү Имин ба Хятадын тамирчдын дээд амжилт бүтээлд баяр хүргэж байгаагаа илэрхийлсний зэрэгцээ тэдэнд сайн сайхан хүсэл эрмэлзлэлийг хүсэн ерөөсөн байна.

    Дарга Ши Жиньпин хариу хэлсэн үгэндээ:

- Та болон Хятадын мөс, цасны салбарын тамирчид Өвлийн олимпод эрч хүчээ сорьж, өөрийгөө давж, маш сайн амжилт үзүүллээ. Би та бүхэнд баяр хүргэж байна, та нар үнэхээр мундаг байна гэж илэрхийллээ.

   Дарга Ши Жиньпин хариу захидалдаа, та агуу их эх оронд төрж, хамгийн сайхан цаг үед өсч торниж байгаа бөгөөд өөрийн хүчин чармайлтаар мөрөөдлөө биелүүлж байгаад маш азтай санагдаж байна. Шинэ эрин бол хүсэл мөрөөдэлтэй хүмүүсийн эрин цаг бөгөөд өргөн олон залуучуудын хүсэл мөрөөдөлдөө биелүүлэх эрин үе мөн. Та бүхнийг зүрх сэтгэлдээ эх орноо санаж, өндөрт тэмүүлж, эр зориг, шийдэмгий байдлыг хадгалж, сайн сайхан амьдралаа бүтээн, эх орон, ард түмэндээ залуу нас, хүч чадлаа нэмэрлээрэй гэж хүсэн ерөөе гэж тэмдэглэжээ.

   Ойрын өдрүүдэд Сү Имингээс дарга Ши Жиньпинд захидал бичиж, дарга Ши Жиньпиний заавар сургаалыг өрц зүрхэндээ санаж, шаргуу дасгалжуулалт хийж, өөрийгөө даван, хүсэл мөрөөдлөө биелүүлсэн тэмцлийн үйл явцаа тайлагнаж, цаашид үргэлжлүүлэн шаргуу ажиллаж, эрүүл энх өсөн бойжиж, эх орондоо хүчин зүтгэл гаргана гэж сэтгэлээ илэрхийлсэн байна.