Египетийн вакцины хүйтэн агуулахын төслийн ажил эхэллээ

Хятадаас Египетэд суугаа ЭСЯ-наас мэдээлснээр саяхан Хятадын Кэшин корпорацын тусламжаар Египетийн вакцины хүйтэн агуулахын төсөл эхлэх ёслол болов. Хятадаас Египетэд суугаа элчин сайд Ляо Личян, Египетийн Дээд боловсрол, шинжлэх ухааны судалгааны сайд, Эрүүл мэндийн сайдын үүрэг гүйцэтгэгч Жафар нар ёслолд оролцов.

Ляо Личян хэлэхдээ "Хятадын компанийн тусламжтайгаар байгуулсан орчин үеийн вакцины хүйтэн агуулах нь Египетийн вакцин хадгалах хүчин чадлыг ихээхэн нэмэгдүүлж, Египетийг энэ оны дундуур хүн амын 70 хувийг вакцинжуулах зорилтоо биелүүлэхэд тусална. Хятад улс хоёр орны төрийн тэргүүний тохиролцсон чухал нийтлэг ойлголтыг идэвхтэй хэрэгжүүлж, Египеттэй эрүүл мэндийн салбар дахь хамтын ажиллагаагаа үргэлжлүүлэн бэхжүүлэх болно".

Жафар хэлэхдээ "Хятадын тусламжтайгаар байгуулсан орчин үеийн хүйтэн агуулах нь Египтэд вакцин үйлдвэрлэх, хадгалах, түгээх ажлыг сайжруулна. Вакцины хүйтэн агуулахын төслийн ажил дууссаны дараа 150 сая тун вакцин хадгалах боломжтой".