Энэ он гарснаас хойш CCTV, ӨМӨЗО-ы телевиз болон хэвлэл мэдээллийн олон хэрэгсэл бодит бичлэг ашиглан Өвөр Монголын тал нутаг эрч хүчээр дүүрэн байгааг дэлхий нийтэд мэдээлэв. Энэ бол Өвөр Монголын 24 сая иргэд экологийн тэргүүлэх чиглэл, ногоон хөгжлийн замналыг тууштай баримталж, онгон дархан байгаль үнэлж баршгүй үнэт баялаг гэдэг баримтлалыг хэрэгжүүлснээр үнэхээр сайхан дүр төрхийг бий болгосон юм.
БНХАУ-ын Коммунист намын 18-р их хурлаас хойш ӨМӨЗО-ы Намын хороо, засгийн газар онгон дархан байгаль үнэлж баршгүй үнэт баялаг гэсэн үзэл санааг хэрэгжүүлж, экологи, байгаль орчныг хамгаалах олон төрлийн бодлогыг шат дараатайгаар өндөр чанартай хэрэгжүүлж байна. Мөн чанарын шаардлага хангаагүй, бохирдол ихтэй, эрчим хүч хэрэглэдэг жижиг, дунд үйлдвэрүүдийг олноор нь цуцалж, эрчим хүчний томоохон, дунд үйлдвэрүүдэд дэмжлэг үзүүллээ. Хэрэглээний аж ахуйн нэгжүүд технологийн шинэчлэл хийж, "Хог хаягдлыг эрдэнэс болгох" технологийн өөрчлөлтийг хэрэгжүүлж байна. Нуур, тариа, ой мод, өвс, элсэнд иж бүрэн менежментийг нэмэгдүүлж, экологийн орчин шат дараатай сайжирч, хүрээлэн буй орчин цэвэр болжээ. Хөлөн нуур, Улаансухай, Дайхай нуурын ус нэмэгдэн, усны чанар бас сайжирчээ. Нүүдлийн шувууд наашлан нуур усны тансаг үнэрт тавтай саатаж, тал нутгийн байгальд онцын гоё үзэмж нэмэрлэнэ.
Нэгэн цагт муудсан бэлчээрийн экологид“тариалангийн газрыг ой болгох, тариалангийн талбайг бэлчээрт эргүүлэн өгөх”, “нэг газар нэг бодлого”, “булах, дүүргэх, өсгөх, хамгаалах, тарих” зэрэг зорилтот нөхөн сэргээлт, сайжруулах арга хэмжээг авч хэрэгжүүлснээр аргал угалз, бүргэд шонхор, хээрийн чоно зэрэг ховор амьтад дахин бэлчээрт эргэн ирж, бэлчээрт тоглодог болжээ. Хөх тэнгэр хөхөмдөг уулс шинэ өнгө төрхтэй болж, тал нутагт амь амьдрал бялхаж байна.
Их Хянган даваа, цэлгэр талын тал нутаг хонь мал бэлчин, агаар тэнгэр нь цэлмэг, уул ус нь тунгалаг болж, тал нутгийн экологи онцын сайхан дүр төрхөөр гялалзана.
