”Бүс ба зам өчигдөр, өнөөдөр, маргааш” баримтат кино нээлтээ хийлээ. “Найрамдал 70” хүндэтгэлийн тоглолт боллоо. “Монголын мэдээ” 90 нас хүрлээ. Хятад анагаах ухааны соёлыг НҮБ-ын олон улсын ордонд дэлгэв. Шинэ оюутнуудын улсдаа өргөсөн бэлэг ийм байна. Да Шин нисэх онгоцны буудал хүрэх галт тэрэг нэвтэрлээ. БНХАУ байгуулагдсан өдөр цэргийн парад зохион байгуулна. Да Шин олон улсын нисэх онгоцны буудал ашиглалтад оров. Монгол Улс, БНХАУ-ын харилцаа хамгийн сайн үе шатандаа байна. Ш.Эгшиг: Амьд хэлэнд түүхэн хэлний материал ихээр хадгалагдаж байдаг. Баярын жагсаалд15 мянган цэрэг оролцоно. Хөдөө тосгон, хөдөө аж ахуйн салбарт ажиллаж буй ажилчдад мэндчилгээ дэвшүүллээ. Хоёр улсын ирээдүйн зам дардан байна. Хятад-АСЕАН-ы үзэсгэлэн болж байна. Ши Жиньпиний БНИУ-д хийх төрийн айлчлал эхэллээ. Хятад, Америкийн эдийн засаг, худалдааны уулзалт зохионо. Хайнань Хайвэн гүүр албан ёсоор ашиглалтад орлоо. Ши Жиньпин Европын гурван улсад төрийн айлчлал хийнэ. Ши Жиньпин дарга захидлын хариу илгээв. Биет бус соёлын өвийн хөгжлийг дэмжиж байна.

Эдийн засгийн тэнгэрт өнгө өнгийн үүл солонгорсоор

Эдийн засгийн тэнгэрт өнгө өнгийн үүл солонгорсоор

   “Од” болно гэдэг “Тэмээнд хүрэхгүй гараа тэнгэр өөд сарвайх” мэт бэрх холын мөрөөдөл байсан цаг үе өнгөрөн одсон гэхэд хилсдэхгүй биз ээ. Цахим ертөнц бидний амьдралд орон зайгаа тэлсээр байгаа өнөөдөр хүн бүрийн хувьд өөр өөрийн өвөрмөц авьяас чадвар, сонирхол, амьдралын хэв маяг, цаашлаад дотоод сэтгэлийн баяр гуниг, жаргал зовлонгоо ч цаг ямагт цахим ертөнцөд цацаж, олонтой хуваалцан, “ил” амьдрах боломжтой болсон. Харин сошиал орон зайд өөрийгөө сорьж, олонд үйлчлэх нь албан ёсоор хүлээн зөвшөөрөгдөж, нийгмийн нэгэн мэргэжлийн салбар болон хөгжинө гэж та төсөөлж байсан уу?

   Оны эхнээс дэлхийн хэмжээнд дэгдэж эхэлсэн цар тахлын улмаас цахим хэрэглээ, дижитал эдийн засаг маш эрчимтэй хөгжиж, бизнесийн олон ч шинэ загварууд “зулай зулайгаа гишгэж төрсөн”. Тэдгээр нь цар тахлын эсрэг тэмцлийг дэмжихийн зэрэгцээ эдийн засгийн сэргэлтийг удирдах, хөдөлмөр эрхлэлтийг тогтвортой байлгах зэрэг тал дээр асар их ач холбогдлоо өгсөн юм. Шинэ ажил мэргэжил бий болохоос эхлээд шинэ хэрэглээний тэлэлт, мөн шинэ хөдөлмөр эрхлэлтийн бүрдлээс дижиталжуулсан хөгжилд хүртэл Хятадын эдийн засаг цар тахлын хугацаанд нэгэн цуврал шинэ онцлог, шинэ чиг хандлага, шинэ боломж нөхцөлийг өвөртлөн авсан билээ.

   Хүнд бэрхшээлийн дунд боломж бололцоо нуугдаж, хувьсал өөрчлөлтийн явцад шинэ аян эхэлж болдгийг түүхэн олон үйл хэрэг, үнэт туршлага бидэнд бэлхэн хэлсэн. Жишээ нь, цар тахлын улмаас эрчимтэй хөгжиж эхэлсэн цахим шууд нэвтрүүлгээр бараа бүтээгдэхүүн худалдаалах арга хэлбэр нь хэрэглэгчдийн хувьд хүссэн бүтээгдэхүүнээ хямд, хялбар аргаар худалдан авах боломжоор хангасан. Эдийн засгийн хувьд хөдөө орон нутгийн асар их хэмжээний зах зээлийг амилуулан сэргээж байдаг. Гэх зэргээр нэг ажил хэргээр хэд хэдэн үр ашгийг бий болгох нь цахим эдийн засгийн хөгжлийн давуу тал юм.

Цаашилбал эдийн засгийн шинэ загвар, шинэ арга барилууд нь уламжлалт аж үйлдвэрлэлийн бүтцийн шинэчлэлийг дэмжих, эдийн засгийн чанартай хөгжлийг биелүүлэх санаачилгатай үйл ажиллагаа байж болно. Өнөөгийн байдлаар Хятад улс эдийн засгийн хөгжлийн арга барилаа өөрчлөх, бүтцээ төгөлдөржүүлэх, өсөлтийн хөдөлгүүрээ хувиргах зэрэг талдээр хүч сорьж байна. Инновац, шинэчлэл аль ч талд авч үзсэн бэрхшээл сорилтын дундаас боломж бололцоо бий болгоход эдийн засгийн шинэ загвар, шинэ арга барилууд нь асар их ач гавьяа үзүүлж байгаа юм.

   Уламжлалт үйлдвэрлэл амьдралд шинэ агаар нэвтрүүлсэн эдгээр шинэ загвар, шинэ арга барилууд хэрэглээний зах зээлийг тэлэх, бизнесийн шинэ боломжуудыг хангах гэх зэргээр эдийн засгийн хөгжилд үр өгөөжөө өгсөөр байна.

Зохиогч:Б.ХУРЦ
Найруулагч:hurtsaa
Эх сурвалж:solongo
Мэдээ үзсэн:108
Зохиогчийн эрх хуулиар хамгаалагдсан. Мэдээлэл хуулбарлах хориотой