Экологийн сайн орчин нь тухайн улс орон, бүс нутгийн эдийн засаг, нийгмийн хөгжлийн чанарыг шалгах чухал шалгуур бөгөөд өндөр чанартай хөгжилд хүрэх чухал арга зам юм. Өндөр чанартай бүтээн байгуулалт бол хөгжлийн шинэ үзэл баримтлалыг бүрэн тусгасан бүтээн байгуулалт бөгөөд ногоон өнгө нь түүний дэвсгэр өнгө юм. Ши Жиньпин дарга удаа дараа онцолж байсанчлан, "Номин ногоон уул ус бол үнэлж баршгүй баялаг юм".

Өнгөрсөн 10 жилийн хугацаанд Хятад улс экологийн орчныг дээд зэргээр хамгаалж, бүтээн байгуулснаар нийгэм, эдийн засгийн хөгжлийг эрчимтэй ахиулж, байгалийн баялаг, экологийн баялаг, нийгмийн баялаг, эдийн засгийн баялаг зэрэг өсөлтийг бүрэн дүүрэн биелүүлж, экологийн орчныг хамгаалах ба эдийн засгийн хөгжлийн "хос ялалт"-д хүрсэн. Статистикийн үзүүлэлтээр, 2021 онд Хятадын орон нутгийн зэрэглэлийн хот ба түүнээс дээш зэрэглэлийн хотуудын нарийн ширхэгт тоосонцрын дундаж агууламж /PM2.5/ 2015 онтой харьцуулахад 34.8 хувиар буурч, улсын гадаргын усны I-III зэрэглэлийн хэсгийн эзлэх хувь 84.9 хувь хүртэл нэмэгдсэн байна. Бохирдолд өртсөн болон бохирдсон тариалангийн талбайн аюулгүй ашиглалтын түвшин тус тус 90 хувиас давж, ДНБ-д ногдох нүүрстөрөгчийн хийн ялгаруулалт 2005 онтой харьцуулахад 48.4 хувиар буурч, 40-45 хувиар бууруулах зорилтыг давсан байна.

Экологи, байгаль орчныг хамгаалах, эдийн засгийг хөгжүүлэх нь диалектикийн хувьд нэгдмэл, харилцан бие биеэ бататгаж байдгийг практик бүрэн нотлон харуулж байна. Экологийн соёл иргэншлийг төлөвшүүлэх, ногоон, нүүрстөрөгч багатай, нөхөн хөгжлийг ахиулан дэмжих нь ард түмний өдөр тутам өсөн нэмэгдэж буй экологийн сайхан орчны хэрэгцээг хангаад зогсохгүй, өндөр чанартай, үр ашигтай, шударга, тогтвортой, аюулгүй хөгжлийг бий болгоход түлхэц болж, үйлдвэрлэлийн хөгжил, чинээлэг амьдрал, сайн сайхан экологийн орчин бүхий соёл иргэншлийн хөгжлийн замыг буй болгожээ.

/Зохиогч: Хөү Юйфэй, ӨМӨЗО-ы Намын хорооны суртал ухуулгын хэлтэс/