Шаньси мужийн Цайны нийгэмлэг, Оросын Шаньси хотын Худалдааны ерөнхий холбоо хамтран санаачлан, Хүнань мужийн цайны нийгэмлэг, Хүнань мужийн хар цайны худалдааны холбоо, Аньхүй мужийн цайны аж үйлдвэрийн холбоо, Аньхүй мужийн цайны аж үйлдвэрийн групп, Хэбэй мужийн цайны нийгэмлэг, Хэбэй мужийн цайны үйлсийг дэмжих нийгэмлэг, Өвөр Монголын цайны үйлдвэрүүдийн холбоо, Аньхуа шяний цайны үйлдвэрийн нийгэмлэг, Бугат хотын Цайны эргэлтийн нийгэмлэг гэх мэт байгууллагуудаас дэмжсэн Хятад, Монгол, Оросын "Түмэн бээрийн цайны зам" дээд хэмжээний чуулаг уулзалт, Шаньси мужийн Цайны уран бүтээлч шалгаруулах гуравдугаар наадам, цайны үнэлэгчийн мэргэжлийн ур чадварын анхны уралдаан, Шансигийн цайны соёлын 6 дахь удаагийн үзэсгэлэн 2022 оны 09-р сарын 30-наас 10-р сарын 05-ны хооронд Датун хотод болно.
"Шаньсигийн цайны зам, дэлхийн агуу эв найрамдал" уриан дор зохион байгуулагдаж буй энэхүү арга хэмжээ нь 200 гаруй жилийн түүхтэй "Түмэн бээрийн цайны зам"-ыг судлах замаар түүний соёлын үнэ цэнэ, эдийн засгийн үнэ цэнэ, өвийг хамгаалах үнэ цэнийг шинээр эмхэтгэх зорилготой юм. Шинэ эриний "Шаньси худалдаачид"-ын сэтгэл санааг урагшлуулах, олон улсын орчин дахь гүн гүнзгий өөрчлөлтийн хүрээнд "Хятад-Монгол-Оросын түмэн бээрийн цайны зам"-ын эдийн засгийн бүсийг хэрхэн идэвхжүүлэх талаар ярилцах болно.
"Түмэн бээрийн цайны зам" нь 17-р зуунаас эхэлсэн бөгөөд эртний торгоны замын дараа Евроазид бий болсон олон улсын худалдааны бас нэг чухал зам юм. Тус бизнесийн зам нь БНХАУ-ын Фүжянь мужийн Ү И уулаас эхэлж, Жянши, Хүнань, Хүбэй, Хэнань, Хэбэй, Шаньси, Өвөр Монгол зэрэг муж орон, бүс нутгийг дайран Монголын өндөрлөгийг дайран, эцэст нь ОХУ-ын Санкт-Петербург хотод хүрдэг. Нийт урт нь 14000 гаруй км байдаг.
Энэхүү эртний замыг сэргээх зорилгоор 2013 онд Хятад, Монгол, Орос хамтран дэлхийн соёлын өвд бүртгүүлэх санаачилга гаргаж, 2019 онд “Түмэн бээрийн цайны зам”-ыг БНХАУ-ын “Дэлхийн соёлын өвийн урьдчилсан жагсаалт”-д оруулсан.
Шаньси Цайны Нийгэмлэг, Оросын Шаньсигийн Худалдааны Ерөнхий холбоо хамтран ӨМӨЗО-ы Улаанцав хот, Хэбэй мужийн Жанчхүү хот, ОХУ-ын Чиакту хотод хэд хэдэн арга хэмжээ зохион байгуулсан нь "Түмэн бээрийн цайны зам"-ын хэрэглээг дэмжихэд ихээхэн дэмжлэг болсон юм.
"Түмэн бээрийн цайны зам"-ын Шаньси мужийн хэсэг нь бараа нийлүүлж борлуулах хэсгийн чухал бүрэлдэхүүн хэсэг бөгөөд соёл, газарзүйн орчин, бүс нутгийн чиг үүрэг зэрэг олон талт, нарийн төвөгтэй бөгөөд судалгааны асар их чадавхтай. Энэ нь "Түмэн бээрийн цайны зам"-ыг бүхэлд нь гүнзгийрүүлэн судлахад чухал ач холбогдолтой.
