2022 оны 10-р сарын 16-нд Бээжин хотноо Хятадын Коммунист Намын XX их хурал товлосон ёсоор ёслол төгөлдөр болж, ерөнхий нарийн бичгийн дарга Ши Жиньпин XIX төв хорооны нэрийн өмнөөс хуралд тайлан тавьжээ. Энэ жилийн тайланд цоо шинэ үзэл санааг танилцуулав. Тэр нь "Хятад маягийн модернизац". "Хятад маягийн модернизац" гэж юу вэ? Яагаад Хятадын Коммунист Нам "Хятад маягийн модернизац"-ыг дагахыг сонгодог вэ? Бусад улс орны модернизациас ямар ялгаатай вэ? зэрэг нь эрдэм шинжилгээ, онол-практикийн хүрээлэл, олон улсын хамтын нийгэмлэгийн анхаарлыг маш их татсан байна.
"Модернизац" гэдэг нь шинэ ойлголт, шинэ онол биш бөгөөд ойлгоход хэцүү биш. Гэсэн хэдий ч "Хятад маягийн модернизац" нь Хятадын Коммунист Намын онолын шинэчлэл, мөн "Америк маягийн модернизац", "Британийн модернизац" зэрэг хөгжсөн эдийн засгийн цогц, Орос, Бразил, Энэтхэг зэрэг улсын шинээр цэцэглэн хөгжиж буй эдийн засгийн цогц, мөн хөгжиж буй бүх орны модернизацын замтай ижил төстэй байдал, нийтлэг шинжтэй. Мөн өөрийн үндэсний нөхцөл байдалд тулгуурласан "Хятад шинж чанар", өөрөөр хэлбэл "Хүн амын асар их хэмжээ", "Нийтийн хөгжил", "Материаллаг соёл иргэншил, үзэл баримтлалын соёл иргэншлийн зохицсон хөгжил", "Хүн ба байгаль хоёрын харилцан зохицол", "Энх тайван хөгжил" зэрэг нь бий. Энэ бол бусад улсуудаас огт өөр, Хятадын үндэсний үндсэн нөхцөл юм.
1.4 тэрбум хүн, 56 үндэстэн хамтдаа чинээлэг амьдралын төлөө, хөх тэнгэр, хөхөмдөг уул, ногоон устай сайхан байгалийнхаа дунд эрх тэгш хөгжилд хүрч, ямар ч үндэстнийг ардаа орхилгүй, ямар ч алхам, ямар ч холбоог алдалгүй, "Хятад маягийн модернизац бүхий Хятад үндэстний их сэргэн мандалтыг цогцлоон хөгжүүлэх" нь Хятадын Коммунист намын чин сэтгэлийн амлалт бөгөөд ийм зоригтой амлалт өгөх итгэл, зориг, сэтгэл зөвхөн Хятадын Коммунист Намд л бий.
Хятадын Коммунист Намын итгэл, зориг нь Хятадын онцлогтой социализмын зам, онол, тогтолцоо, соёлд өөртөө итгэх итгэлээс үүдэлтэй. Байгуулагдсан өдрөөсөө хойш ХКН “Хятадын ард түмний аз жаргалтай амьдрал, Хятад үндэстнийг сэргээн мандлын төлөө" анхны зорилгоо болгож,үй олон эх оронч үзэлтэй, хувьсгалч хүмүүс халуун цусаа урсган, шантаршгүй тэмцсэн юм. Яг ийм баатарлаг, шаргуу үзэл баримтлал нь Хятадын ард түмнийг “хөл дээрээ” босож, мөн баяжихаас хүчирхэг болох хүртэлх удаа удаагийн агуу хөгжлийг тууштай биелүүлсэн юм.
Хамгийн богино хугацаанд 1.4 тэрбум хүний ядуурлыг шийдэж, бүх талаар чинээлэг нийгмийг байгуулах зорилтыг биелүүлж, Хятадыг дэлхийн хоёр дахь том эдийн засгийн цогц болоход хүргэж,мөн дэлхийн энх тайван, хөгжилд чухал оролцогч, хувь нэмэр оруулагч болсон байна. Зөвхөн Коммунист Нам л улс орон даяар бүх нам, бүх үндэстний ард түмнийг удирдан хоёр дахь зуун жилийн зорилгодоо хүрч, хоёр дахь зорилгодоо шинэ үзэсгэлэн, зураг төсөл төлөвлөж чадна. Хятад хүний хувьд Хятадын онцлогтой социализмын их тугийг өндөрт өргөн барьж, үзэл санаа, итгэл үнэмшлээ бэхжүүлж, шинэ эрин үед хятадын онцлогтой социализмыг шаргуу хөдөлмөрийн үзэл баримтлалаар тасралтгүй урагшлуулах ёстой.
Фан Лижүнь ӨМӨЗО-ы Нийгмийн Шинжлэх Ухааны Академийн "Бүс ба зам" судалгааны хүрээлэн
