ХКН-ын ХХ сонгуулийн төв хорооны ерөнхий нарийн бичгийн даргаар сонгогдсон Ши Жиньпинд гадаадын олон улс орны нам төрийн зүтгэлтнүүд баяр хүргэж, цахилгаан утас, захидал ирүүлсээр байна.

БНСУ-ын ерөнхийлөгч Юн Сок Ёл “Солонгосын хойг, Зүүн хойд Азийн бүс нутгийн энх тайван, тогтвортой байдал, хөгжил цэцэглэлтийг сахин хамгаалахын тулд эрхэмсэг Тантай байнга холбоотой байж, хамтран ажиллахыг хүсэж байна. БНХАУ-д хөгжил цэцэглэлтийг хүсэн ерөөе” гэжээ.

Японы Либерал ардчилсан намын дарга, ерөнхий сайд Фумио Кишида "Эрхэм таныг ХКН-ын Төв хорооны Ерөнхий нарийн бичгийн даргаар улиран сонгогдсонд чин сэтгэлийн баяр хүргэж байна. Эрхэмсэг удирдагч тантай хамт Япон, Хятадын харилцааны хөгжлийн чиг хандлагыг хоёр орны ард түмэн болон олон улсын хамтын нийгэмлэгт тодруулан харуулж, хоёр орны харилцааг бүтээлч, тогтвортой хөгжүүлэхэд бэлэн байна" гэжээ.

Монгол Улсын ерөнхий сайд Л.Оюун-Эрдэнэ ХКН-ын Төв хорооны ерөнхий нарийн бичгийн даргаар дахин сонгогдсонд баяр хүргэж байгаагаа илэрхийлээд "ХКН-ын ХХ их хурлын үндэсний конгресс Хятадын ирээдүйн хөгжлийн зураг төслийг боловсруулжээ. Таны удирдлага дор ХКН нь Хятадын онцлогтой социализмын их тугийг өндөрт өргөн барьж, орчин үеийн социалист орныг цогцлоон байгуулж, Хятад үндэстнийг агуу их сэргэн мандалтыг цогцлоох агуу зорилгод ялалт байгуулна гэдэгт би итгэж байна" гэжээ.

ОХУ-ын КН-ын Төв Хорооны дарга Зюганов "Таны удирдлага дор Хятад улс сүүлийн арван жилд гарамгай амжилт гаргасны үндсэн дээр орчин үеийн социалист гүрэн байгуулах зорилтыг гарцаагүй биелүүлж чадна гэдэгт бат итгэлтэй байна" хэмээн илэрхийллээ.