Дэлхий дахины анхаарлыг татсан Хятадын Коммунист Намын ХХ их хурал хөтөлбөрийн дагуу явагдаж амжилттай болж өндөрлөв. ХКН-ын ХХ их хурал нь бүх нам, бүх үндэстний ард түмэн орчин үеийн социалист орныг цогцлоон байгуулах, хоёр дахь зуун жилийн тэмцлийн зорилтод хүрэх шинэ аяныг эхлүүлж байгаа шийдвэрлэх мөчид зохион байгуулагдсан маш чухал хурал юм. Их хурлаар ХКН-ын ХХ сонгуулийн Төв хороо болон Төвийн сахилга бат шалгах хороог сонгож, ХIХ сонгуулийн Төв хорооны ажлын тайланг батлах шийдвэр, Төвийн сахилга бат шалгах хорооны ажлын тайланг батлах шийдвэр болон "ХКН-ын дүрэм"-д нэмэлт өөрчлөлт оруулах тухай шийдвэрийг тус тус батлав. Бүх хүч чадлаа гарган эв нэгдэлтэй урагш тэмүүлсэн хурал болсон төдийгүй нам, улс орны хөгжлийн үйл явцад туйлын чухал түүхэн ач холбогдолтой юм.

ХКН-ын ХУIII их хурал хуралдсанаас хойших 10 жилд бид нам, ард түмний үйл хэрэгт түүхийн асар их ач холбогдол бүхий гурван томоохон үйл явдлыг туулсан.

Нэг. Хятадын Коммунист Нам байгуулагдсаны 100 жилийн ойг угтсан.

Хоёр. Хятадын онцлогтой социализм шинэ эринд орсон.

Гурав. Ядуурлыг бууруулж, чинээлэг нийгмийг бүх талаар бүтээн байгуулах түүхэн үүргийг биелүүлж, эхний зуун жилийн зорилтыг биелүүлсэн болно.

Шинэ эриний сүүлийн арван жилд гарсан томоохон өөрчлөлтөөс түүхийн өөртөө итгэх итгэлээ улам бүр бэхжүүлж, түүхэн санаачилгаа сайжруулан, урагшлах хүч чадлыг өөртөө татаж, шинэ эрин үед Хятадын онцлогтой социализмын гялалзсан амжилтыг бичнэ.

Өнөөдрийн Хятадын гол мөрөн нь цэвэр тунгалаг, уул нурууд нь өндөр сүрлэг, ард түмэн нь итгэл зоригтой, хөгжлийн ирээдүй нь гэгээн саруул байна. Гашуун гуниг, алдар цуутай өнгөрсөн он жилүүд, өдрөөс өдөрт хөгжиж буй өнөөдөр, гэгээн саруул ирээдүй зүг тэмүүлж буй Хятадын ард түмний урагш дэвших хүч чадал, тэмүүллийн эрч хүч, оюун ухаан, ялалтад заавал хүрэх итгэл зориг нь түүхийн хүчирхэг ухамсар, санаачилгатай сэтгэлгээг бадрааж, ХКН болон Хятадын ард түмэн зуун хувийн эрч хүчээр Хятадын үндэстний босож зогссоноос баяжин хүчирхэгжсэн их үсрэлтийг бий болгоход итгэл дүүрэн тэмүүлж байна.