ХКН-ын Төв Хорооны Гадаадтай Харилцах хэлтэс Хятадад суугаа гадаадын элч төлөөлөгчдөд зориулан ХКН-ын ХХ их хурлын үзэл санааг танилцуулах тусгай хурлыг 11-р сарын 11-нд хийлээ. Дэлхийн 100 гаруй орны ахмад дипломатчд, тэр дундаа Хятадад суугаа 60 орчим Элчин сайд оролцов. ХКН-ын Төв Хорооны Гадаадтай Харилцах хэлтсийн дарга Лю Жяньчао болон Төв Хорооны суртал ухуулгын бүлгийн гишүүд үг хэлэв.

Лю Жяньчао нар хэлэхдээ "Өндөр чанартай бүтээн байгуулалт бол орчин үеийн социалист улс орныг бүх талаар цогцоор нь байгуулах үндсэн зорилт юм, бид социалист зах зээлийн эдийн засгийн шинэчлэлийн чиглэлийг баримталж, гадаад ертөнцөд дээд зэрэглэлийн нээлттэй байхыг баримталж, бие биеэ дэмжсэн дотоод болон олон улсын мөчлөгийн бүтээн байгуулалтыг хурдасгах хөгжлийн шинэ загварыг бий болгоно. Хятад маягийн орчин үеийн байгуулалт нь дэлхийн шинэчлэлийн үйл явцыг ахиулж, хүн төрөлхтний шинэчлэлийг хэрэгжүүлэх замыг өргөтгөх болно. Хятад улс үргэлжлэн өндөр чанартай хөгжил, дээд түвшний нээлттэй байдлыг ахиулж, өөрийн хөгжлөөр дэлхий дахинд илүү их боломжийг бий болгоно. Хятад улс бүх хүн төрөлхтний нийтлэг үнэт зүйлсийг урагшлуулж, жинхэнэ олон талт үзлийг хэрэгжүүлж, хөгжиж буй орнуудын хөгжлийг түргэтгэхийг тууштай дэмжиж, туслах болно".

Уулзалтад оролцсон гадаадын элч нар ХКН-ын ХХ их хурал чухал эерэг үр дүнд хүрсэнд баяр хүргэж, дэлхийн энх тайван, хөгжлийг хамтдаа ахиулахад Хятадын талтай хамтран ажиллах хүсэлтэй байгаагаа илэрхийлэв.