Сарны зурхайн ёсны жилийн 24 улирлын 19 дэх улирал болох Өвлийн уур нь энэ жил 11 дүгээр сарын 07-ны өдөр тохиолоо. Энэхүү улирал нь өвлийн 6 улирлын эхний улирал юм. Мөн өвөл эхэлсний илэрхийлэл болдог. Хятад улс нь газар нутаг өргөн уудам учраас орон нутаг хоорондын зан заншил янз янз байдаг. Хятадын умард нутагт Өвлийн уур орох өдөр банш чимхэж иддэг гэж нэгэн хятад найз маань надад ярьсан. Банш нь чихний хэлбэртэй төстэй учраас өвлийн эхний өдөр банш идвэл өвлийн хүйтэнд чихээ хөлдөөхгүй гэж эртний хятадууд бэлгэшээдэг байв. Харин Хятадын өмнөд хэсгийн Шао Шин нутагт Өвлийн уур орох өдрөөс эхлэн будааны нэрмэл нэрдэг байна. Энэ үеэр агаарын дулаан доор, усны мөхлөг сэрүүн тунгалаг байдаг учраас архи нэрэхэд тохиромжтой байдаг аж. Миний зураг дээрх гадаад хөвгүүн Хятадын өмнөд нутгийн айлд “шингэн боорцог” хэмээгдсэн будааны нэрмэл нэрэхэд нь тусалж байгаа бол хятад охин умард нутгийн айлд банш чимхэж байна. Бодвол охин ч өвөл чихээ хөлдөөхийг хүсэхгүй байгаа биз.