Сарны зурхайн ёсны жилийн 24 улирлын 20 дахь улирал болох Бага цас нь энэ жил 11 дүгээр сарын 22-ны өдөр тохиолоо. Тэр нь өвлийн 2 дахь улирал болно. Анх Хятад хэл сурч байхдаа би Бага цасны улирлаар бага хэмжээний цас ордог хэмээн ойлгодог байсан юм. Тийм учраас жил бүрийн Бага насны улирал эхлэх өдөр цас орохыг хүсэн хүлээдэг боловч нэг ч удаа хүслээр болоогүй. Сүүлд нь нэг хятад найз маань “Бага цас гэдэг бол зөвхөн зүйрлэл, заавал цас орно хэмээн ойлгож болохгүй” гэдгийг тайлбарлаж өгсөн юм. Энэ үеэр агаарын дулаан доошлон, тунадасны хэмжээ нэмэгддэг. Бага цасны улирлаар хүмүүс ногоо давслан даршилдаг уламжлалтай. Өвлийн улиралд шинэ соргог хүнсний ногоо ховор байдаг учраас дарсан ногоо нь “хэрэг гаргадаг” байна. Манай оронд ч өвлийн улиралд ногоо даршилдаг уламжлалтай. Жишээ нь өргөст хэмх, цагаан ногоо, төвөд хаш, саримс гэх мэт. Танд ямар санагдаж байна? Миний зураг дээр Бага цасны улирлаар гадаад хөвгүүн болон хятад охин ногоо давслан даршилж байна. Цонхоор харагдах цасан хүн гараа алдлан зогсож, Их цасны улирлыг угтан авахад бэлэн байгаа мэт. Бага цасны улирлаар цас орохгүй байж мэднэ, гэхдээ миний зурагт харин цас орсон байгаа шүү.